Aralski jazor (kazachiski Арал теңізі Aral teñizi; usbekiski Orol dengizi; rusojski Аральское море/Aralskoje more) jo bźezwótběgowy słony jazor w Srjejźnej Aziji, kótaryž wobstoj wusušenja dla mjaztym z tśich źělow.
Z 1960-tych lět dowjeźo wužywanje wódy Amudarje a Syrdarje za pówóźowanje wjelickich kubłańskich stronow bałmy k wuschnjenju a z pěskom zanosowanju něgajšnego stwórty nejwětšego jazora swěta. Toś te wuwiśe słuša k nejwětšym kumštnym wobswětowym katastrofam w stawiznach cłowjestwa.
Aralski jazor | ||
---|---|---|
Satelitowy wobraz jazora | ||
Geografija | ||
Kontinent | Azija | |
Stat(y) | Kazachstan, Usbekistan | |
Koordinaty | , 59° 36′ 55″ O44.81305555555659.6152777777783144° 48′ 47″ N, 59° 36′ 55″ O | |
Nutś běžece rěki | Amudarja, Syrdarja | |
Wuběžece rěki | žedne | |
Pśibrjozne sedlišća | Aralsk | |
Daty | ||
Wusokosć nad mórskej głaźinu | 31 | |
Płoń | 17.160 km² (2004) | |
Wolumen | 113 km³ (2004) | |
Sólnosć | 109 g/l | |
Pówóstanki Aralskego jazora se namakaju w Turanskej nižynje, kótaraž pśisłuša Aralsko-Kaspiskej dłymi a laže w Kazachstanje a Usbekistanje. Kontinentalneje klimy dla wobstoj wokolina jazora z pusćinow a połpusćinow. Wjeliki źěl něgdy 68.000 km² wjelikeje swětliny wódy bu źinsa pomjenjowana ako nowa pusćina Aralkum.
This article uses material from the Wikipedia Dolnoserbski article Aralski jazor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.