Camerún

Llenda al oeste y al norte con Nixeria, al noreste con Chad, al este cola República Centroafricana, al sur cola República Democrática d'El Congu, Gabón y Guinea Ecuatorial. Les sos ciudaes principales son Douala, Yaundé y Garoua. Nel país conviven cuasi 200 grupos llingüísticos diferentes, magar que les llingües oficiales del país son l'inglés y el francés.

Camerún République du Cameroun (Francés) Republic of Cameroon (Inglés)
estáu soberanu
Bandera de Camerún escudu de Camerún
Himnu nacional	Chant de Ralliement
Alministración
Nome oficial	Cameroun (fr) République du Cameroun (fr) Republic of Cameroon (en) Hautugo Kamerun (ff)
Capital	Yaundé
Forma de gobiernu	República
President of Cameroon (en)	Paul Biya (dende 1982)
Primer ministro de Camerún (es)	Joseph Dion Ngute (dende 4 xineru 2019)
Llingües oficiales	francés inglés
División	ver Rexón d'Adamaoua, Rexón del Centru, Rexón del Este, Rexón del Estremu Norte, Rexón Littoral, Rexón del Norte, Rexón del Noroeste, Rexón del Sur, Rexón del Suroeste y Rexón del Oeste
Rellaciones diplomátiques	ver Alemaña Australia Francia Nixeria Taiwán Xeorxa (26 setiembre 2013) Corea del Norte (3 marzu 1972) República Popular China
Miembru de	ver Organización de les Naciones Xuníes (20 setiembre 1960) Xunión Africana Mancomunidá de Naciones (1960) Organización Mundial del Comerciu Organización pa la Cooperación Islámica (1974) Bancu Internacional de Reconstrucción y Fomentu (10 xunetu 1963) Asociación Internacional de Fomentu (10 abril 1964) Corporación Financiera Internacional (1 ochobre 1974) Organismu Multillateral de Garantía d'Inversiones (7 ochobre 1988) Centru Internacional d'Arreglu de Diferencies Relatives a Inversiones (2 febreru 1967) Bancu Africanu de Desarrollu Operación Híbrida de la Unión Africana y las Naciones Unidas en Darfur (es) Estaos d'África, del Caribe y del Pacíficu Bancu de los Estaos d'África Central OHADA (en) Interpol (4 setiembre 1961) Organización pa la Prohibición d'Armes Químiques (29 abril 1997) Organización Hidrográfica Internacional UNESCO (11 payares 1960) Grupu d'Observaciones de la Tierra AFRISTAT (es) (21 setiembre 1993) Comisión del Golfo de Guinea (es) Xunión Postal Universal (26 xunetu 1960) Xunión Internacional de Telecomunicaciones (22 avientu 1960) Organización Internacional de la Francofonía (1975) Organización Internacional de Proteición Civil (17 xunu 1989) Organización Meteorolóxica Mundial (17 avientu 1960) Organización Mundial de la Salú Comunidá Económica de los Estaos d'África Central Organización Mundial d'Aduanes (9 abril 1965)
Xeografía
Coordenaes	5°08′N 12°39′E / 5.13°N 12.65°E / 5.13; 12.65
Superficie	475442 km²
% agua	0,57%
Costes	402 km
Llenda con	4.591 km
Puntu más altu	Monte Camerún
Puntu más baxu	Golfo de Biafra (es)
Demografía
Población	24 053 727 hab. (2017)
Densidá	50,59 hab/km²
Xentiliciu	camerunés (masculín singular) camerunesa (femenín singular)
Esperanza de vida	58,073 años
IDH	0,576 (2021)
Tasa de fertilidá	4,704 (2014)
Economía
Moneda	Francu CFA d'África Central
PIB nominal	45 338 285 386 $ (2021)
Bancu central	Bancu de los Estaos d'África Central
Más información
Dominiu d'Internet	.cm
Códigu telefónicu	+237
Códigu ISO	120 / CMR / CM
Estaya horaria	Estaya horaria d'África Occidental, UTC+01:00 y Africa/Douala (en)
prc.cm…

Ente los primeros habitantes del territoriu rescamplen la civilización Sao, na rodiada del llagu Chad, y los baka, un grupu de cazadores-collechadores que vivíen na selva del sureste del país. Los esploradores portugueses aportaron a la costa de Camerún, nomando a la zona Rio dos Camarões (ríu de los camarones), que quedó de magar como nome de la zona nos mapes europeos. Soldaos de la etnia Fulani fundaron l'emiratu d'Adamawa nel norte del país nel sieglu XIX, y otros grupos étnicos tuvieron reinos y dominios poderosos nes tierres del oeste y noroeste de l'actual Camerún. En 1884 la zona convirtióse en colonia alemana col nome de Kamerun.

Dempués de la Primer Guerra Mundial el territorio dividióse, siguiendo'l mandatu de la Sociedá de Naciones, ente Francia y el Reinu Xuníu. A mediaos del sieglu XX un partíu políticu nomáu Xunión del Pueblu Camerunés (Union des Populations du Cameroun) entamó a pedir la independencia, pero foi declaráu illegal polos franceses na década de 1950. Les milicies d'esi partíu habíen lluchar escontra los soldaos franceses hasta que, en 1960, la parte del país alministrada polos franceses algamó la independencia embaxu la presidencia del presidente Ahmadou Ahidjo. La parte meridional, el Camerún británicu, xunióse a ella al añu siguiente pa formar la República Federal de Camerún. El país camudó'l so nome pol de República Xunida de Camerún en 1972, y esti pol actual en 1984.

El poder ta firmemente controláu pol presidente autoritariu del país dende 1982, Paul Biya, y el so partíu, el Movimientu Democráticu de la Xente del Camerún (Cameroon People's Democratic Movement). Les rexones de fala inglesa del país tán cada vez más descontentes y alloñaes del gobiernu, y dellos políticos d'eses rexones apuesten por una mayor descentralización o inclusive la secesión (casu del Conseyu Nacional del Camerún del Sur) de les rexones que pertenecieran al Camerún británicu.

La so llinia costera mira pal golfu de Biafra, que ye parte del golfu de Guinea, nel Océanu Atlánticu. El país, por cuenta la so gran diversidá xeolóxica y cultural, ye consideráu delles vegaes como un África en miniatura. Hai nelli playes, desiertos, cordales montañosos, selves y sabanes. El so puntu cimeru, el monte Camerún, un volcán activu de 4.040 m d'altor, asítiase nel suroeste del país.

En comparanza con otros países africanos el país esfruta d'una relativamente alta estabilidá política y social, lo que permitió el desarrollu de l'agricultura, les infraestructures viaries y importantes empreses petroleres y madereres. Pese a ello, gran cantidá de cameruneses viven na probitú como agricultores de subsistencia.