Камерун
Камеруны Республикæ (англ.
Йæ сыхæгтæ сты Нигери ныгуылырдыгæй, Чад цæгат-скæсæнырдыгæй, Централон Африкæйы Республикæ скæсæнырдыгæй, хуссарырдыгæй та — Габон, Республикæ Конго æмæ Экваториалон Гвиней. Хуссар-скæсæны Камерунæн ис денджызмæ бацæуæн — Атлантикон фурды Гвинейы бакæлæнмæ.
| |||||
.svg) | |||||
| Девиз: «Paix, Travail, Patrie (фр. : Сабырдзинад, Фæллой, Фыдыбæстæ)» | |||||
| Гимн: «Ô Cameroun, Berceau de nos Ancêtres (О, Камерун, нæ фыдæлты авдæн)» | |||||
| Хæдбар сси | 1960 азы 1 январы Франц æмæ Стыр Британийæ | ||||
| Æвзаг | францаг, англисаг | ||||
| Сæйраг сахар | Яунде | ||||
| Стырдæр сахартæ | Дуалæ, Яунде | ||||
| Хицауиуæджы хуыз | Президентон республикæ | ||||
| Президент Премьер-министр | Поль Бийя (Paul Biya) Филемон Янг (Philémon Yang) | ||||
| Фæзуат | 475 440 км² | ||||
| Доны процент | 1,3 | ||||
| Цæрджытæ • Бахыгъд (2005) • Æнгомад | 17 795 000 ад. 34 ад./км² | ||||
| ÆМП • Æдæппæт (2005) • Иу адæймагмæ | дунейы 91-æм 32 350 млн. $ 2 176 $ | ||||
| Валютæ | КФА-йы франк | ||||
| Интернет-домен | .cm | ||||
| Телефонон код | +237 | ||||
| Сахатон таг | +1 | ||||
Бæстæ хонынц «Африкæйы миниатюрæ», уый тыххæй æмæ тынг алыхуызон у æрдзæй, культурæйæ, ландшафтæй. Ис дзы денджызы былгæрæттæ, æдзæрæгран, саваннæ, къæвда-хъæдтæ, хæхтæ. Бæстæйы бæрзонддæр хох у Камеруны хох (4040 м).
Камеруны цæрынц дыууæ сæдæйæ фылдæр алыхуызон адæмтæ, æвзагон æмæ культурон къордтæ. Камерун зындгонд сси йæ хигъæдон музыкæйæ, уæлдайдæр макоссæ æмæ бикутси стилтæй, æмæ йæ æнтыстджын футболон командæйæ. Официалон æвзæгтæ сты англисаг æмæ францаг, уый тыххæй æмæ Камеруны зæххытæ кæддæр уыдысты Стыр Британи æмæ Францы дæлбар.
Европæйæгтæ (португайлаг денджыздзаутæ) Камеруны былгæронмæ ’рбацыдысты XV æнусы. Ссардтой дзы тынг бирæ креветкæтæ — æмæ бæстæ дæр афтæ схуыдтой, Рио-душ-Камаронш, ома «креветкæты цæугæдон». Креветкæ ахсын ныр дæр у Камеруны ахсджиагдæр куыстытæй иу.
1884-æм азы Камерун сси Германы империйы колони, фæлæ Фыццаг дунеон хæсты фæстиуæгæн колони дихгонд æрцыд Стыр Британи æмæ Францы ’хсæн. Камеруны зæххытæ хæдбардзинад куы райстой, уæд бæстæ хуынди Камеруны Федералон Республикæ, 1972-æм азæй фæстæмæ — Камеруны Иугонд Республикæ, 1984-æм азæй та хуымæтæджы Камеруны Республикæ.
Камерун, Африкæйы иннæ паддзахæдтимæ абаргæйæ, у стабилон æмæ æдас. Уый фæрцы бæстæмæ гуылф кæнынц лигъдæттæ. Ахæм цæрджыты нымæц у 97 мины бæрц, уыдонæй фылдæр ЦАР æмæ Чадæй. Камеруны мидæг ма карзгомау сты Камеруны, англисагау æмæ францагау дзурдыжыты ’хсæн, стæй чырыстæттæ æмæ пысылмæтты ’хсæн ахастдзинæдтæ.
Фиппаинæгтæ
 | Ацы уац Камеруны тыххæй къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |
This article uses material from the Wikipedia Иронау article Камерун, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Текст у сæрибарCreative Commons Attribution/Share-Alike License лицензимæ гæсгæ; гæнæн ис æндæр æм ис. Бæстондæр бакæс Пайда гæныны домæнтæ. Википеди у Викимеди фондыон регистраци гонд нысан. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Иронау (DUHOCTRUNGQUOC.VN) is an independent company and has no affiliation with Wiki Foundation.