حەکیم کاکەوەیس: وەرگێڕێکی کورد بوو
حەکیم عەبدوڵڵا کاکەوەیس ناسراو بە حەکیم کاکەوەیس (١٩٤٩ لە حەساری گەورە، کەرکووک – ١٨ی تشرینی دووەمی ٢٠١٨ لە بەغدا) نووسەر و وەرگێڕێکی کورد بوو.
| حەکیم کاکەوەیس | |
|---|---|
| لەدایکبوون | حەکیم عەبدوڵڵا کاکەوەیس ١٩٤٩ حەساری گەورە، کەرکووک |
| مردن | ١٨ی تشرینی دووەمی ٢٠١٨ (٦٨–٦٩ ساڵ ژیاوە) بەغدا |
| پیشە | وەرگێڕ و نووسەر |
| زمان | کوردی (سۆرانی) |
| نەتەوە | کورد |
ژیاننامە
حەکیم کاکەوەیس، ساڵی ١٩٤٩ لە گوندی حەساری گەورەی نزیک شاری کەرکووک لەدایکبووە. ساڵی ١٩٥٧ دەستی بە خوێندنی سەرەتایی کردووە لە قوتابخانەی گوندی دارەمان. خوێندنی ئامادەیی لە کەرکووک تەواو کردووە. ساڵی ١٩٧٣ بەشی زانستی بیرکاری لە زانکۆی سلێمانی تەواو کردووە. دوای تەواوکردنی زانکۆ بووەتە پێشمەرگە تا کۆتاییی شۆڕشی ئەیلوول. ساڵی ١٩٧٥ لە بەغدا وەکوو فەرمانبەری پرۆگرامسازی لە وەزارەتی پلاندانان دامەزراوە، تا ١٩٨٠ لەسەر ئەم کارە بووە. ماوەیەک لە زاخۆ کراوەتە سەربازی یەدەگ، و دوای دەستپێکی شەڕی عێراق و ئێران، داوای لێ دەکرێت ببێتە بەعسی، ئەویش داواکە ڕەت دەکاتەوە و ساڵی ١٩٨٤ دەچێتە سوید.
لە ساڵی ٢٠٠٠ بەھۆی نەخۆشیی دڵ خانەنشین کراوە. بەھۆی نەخۆشکەوتنی لە سوید دەگەڕێتەوە کوردستان، لە کەرکووک نیشتەجێ دەبێت. ژیانی دواتری بە خوێندنەوە و نووسین و وەرگێڕان بەسەر بردووە. لە ١٨ی تشرینی دووەمی ٢٠١٨ لە تەمەنی ٦٩ ساڵی لە شاری بەغدا کۆچی دوایی کرد، بەھۆی نەخۆشیی شێرپەنجە.
بەرھەمەکان
حەکیم کاکەوەیس ٢٨ بەرھەمی ھەن. ئەو زیاتر وەرگێڕانی لە عەرەبی و سویدی بۆ کوردی کردووە. زۆربەی بەرھەمەکانی مەسعوود محەممەدی بۆ کوردیی سۆرانی وەرگێڕاون. ئەمانە بەشێک لە بەرھەمە نووسراوە و وەرگێڕدراوەکانی ئەون:
نووسراوەکان
- تەونی جاڵجاڵۆکە
- ئەوەی نابێ بگوەرێ دەبێ بگوەرێ
- مەملەکەتی سەگەکان
- نەتەوایەتی کورد و ئیسلامەتییەکەی
- سەگەکە چوارەمیان بوو
وەگێڕدراوەکان
- ١٩٨٤
- کێڵگەی ئاژەڵ
- تاوان و سزا
- کیمیاگەرەکە
- کۆلارەفڕێن
- شاخەکانیش دەنگیان دایەوە
- بەردیش بەدەنگ دێ؛ منداڵی لە کەمبۆدیا ١٩٧٥ - ١٩٨٠
- ھێسە، ھێرمان، گورگی ڕووتەڵان، وەرگێڕانی حەکیم کاکەوەیس، ھەولێر: دەزگای وەرگێڕان، چاپی یەکەم: ٢٠٠٧.
- بەزمی تەگەکە
- کۆچ ھەڵیبژاردم
وەرگێڕدراوەکانی مەسعوود محەممەد
- حەجێکی تر بۆ بەردەرگای خەتێی زانا
- کۆمەڵگەی مرۆڤایەتی بۆچی بە شێتخانە دەچێت؟
- بۆ گورباشۆڤی مەزن: لەگەڵ سڵاو و ھیواخوازیدا
- بۆچوونێک لەسەر لێکدانەوەی مرۆیی مێژوو
- لە پێناوی پتەوکردنی برایەتی عارەب و کورددا
- پەرەسترۆیکای گۆرباشۆڤ
- دەمودووی ھزر
- لسان الکرد
- زمانی کورد
- نامەکانی مەسعوود محەمەد
- ھاوسەنگکردنەوەی تەرازوویەکی سەنگەلا
سەرچاوەکان
This article uses material from the Wikipedia Soranî / کوردی article حەکیم کاکەوەیس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.