جۆن مەکلیۆد
جۆن جەیمس ریکارد مەکلیۆد (٦ی ئەیلوولی ١٨٧٦ - ١٦ی ئازاری ١٩٣٥) زانا و پزیشکێکی ئیسکۆتلەندی بووە، ساڵی ١٨٩٨ لە زانکۆی ئەبردین بڕوانامەی پزیشکی بەدەستھێناوە و دواتر بۆ ماوەی ساڵێک لە زانکۆی لایبتزج کاری کردووە، ساڵی ١٨٩٩ لەزانکۆی لەندەن وەکو موعید لە قوتابخانەی پزیشکی دامەزراوە، ساڵی ١٩٠٢ لەھەمان قوتابخانە وەکو مامۆستای کیمیا دامەزراوە، لەساڵی ١٩٠٣ لە زانکۆی کیس وسترن ریسرف لە ویلایەتی ئۆھایۆ ی ئەمریکا وەکو مامۆستا دامەزراوە، ساڵی ١٩١٨ وەکو مامۆستا بۆ زانکۆی تۆرنتۆی کەنەدی ھەڵبژێردراوە، ساڵی ١٩٢٨ گەڕاوەتەوە بۆ زانکۆی ئەبردین و ھەتاکو دوا ژیانی وەکو مامۆستا لەو زانکۆیە کاری کردووە.
| جۆن مەکلیۆد | |
|---|---|
 | |
John James Rickard Macleod  | |
| لەدایکبوون | ٦ی ئەیلوولی ١٨٧٦ Clunie |
| مەرگ | ١٦ی ئازاری ١٩٣٥ (٥٨ ساڵ ژیاوە) Aberdeen |
| گۆڕ | Allenvale Cemetery |
| زانکۆ |
|
| پیشە | پزیشک، داھێنەر، مامۆستای زانکۆ، فیزیۆلۆجیناس |
| شوێنکار |
|
| خەڵاتەکان |
|
مەکلیۆد گرنگی بە توێژینەوەی کاربۆھیدرات داوە و سەرئەنجام لەگەڵ فردریک بانتنغی ھاوڕێی ھۆڕمۆنی ئەنسۆلینیان دۆزیوەتەوە کە بۆ چارەسەرکردنی نەخۆشی شەکرەی میز بەکاردەھێنرێت، ھەر بەھۆی ئەمەشەوە لە ساڵی ١٩٢٣ خەڵاتی نۆبڵی لە پزیشکیدا وەرگرتووە، ئەویش خەڵاتەکەی لەگەڵ جیمیس کۆلیبی ھاوڕێی بەشکردووە کە لە بواری دۆزینەوەی ئەنسۆلیندا یارمەتیداوە.
مەکلیۆد ١١ پەرتوکی داناوە لەوانە: پێشکەوتنە نوێیەکان لە زانستی کاری ئەندامانی لەش، شەکرەی میز و چۆنێتی ئەم نەخۆشیە، کاربۆھیدرات و ئەنسۆلین.
لە ١٦ مارسی ساڵی ١٩٣٥ لە ئەبردین کۆچی دوایی کردووە و لە گۆڕستانی ئەلینفیل لە شاری ئەبردین نێژراوە.
بۆ ڕێزگرتن لەم زانایە ھۆڵی زانستی پزیشکی زانکۆی تۆڕنتۆ ناونراوە جۆن مەکلیۆد، ھەروەھا کۆمەڵەی شەکرەی میزی بەریتانی خێرخوازی کە تایبەتە بە توێژینەوەی شەکرەی میز نووسینگەکانی لە لەندەن ناوناوە جۆن مەکلیۆد.
سەرچاوە
- ویکیپیدیای عەرەبی.
| کۆمنزی ویکیمیدیا، میدیای پەیوەندیدار بە جۆن مەکلیۆد تێدایە. |
This article uses material from the Wikipedia Soranî / کوردی article جۆن مەکلیۆد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.