ئەحمەد شاملوو

بامداد؛ ١٢ی کانوونی یەکەمی ١٩٢٥ – ٢٣ی تەممووزی ٢٠٠٠) شاعیر و نووسەر و ڕۆژنامەوانی ئێرانی بوو. شاملوو دیارترین شاعیری مۆدێرنی ئێرانە. شیعرە سەرەتاییەکانی لەژێر کاریگەریی نیما یووشیجدا بوون. لە ڕاستیدا، ئەبودەلالی دەستغەیب، ڕەخنەگری ئەدەبی ئێرانی، مشتومڕ دەکات کە لە شاعیرانی سەردەمی خۆیدا، شاملوو یەکێکە لە پێشەنگەکانی شیعری مۆدێرنی فارسی و گەورەترین کاریگەریی ھەیە بەسەرییەوە، لە دوای نیما.

ئەحمەد شاملوو
ناوی خۆماڵی	احمد شاملو
لەدایکبوون	(١٩٢٥-١٢-١٢) ١٢ی کانوونی یەکەمی ١٩٢٥ تاران، ئێران
مردن	٢٣ی تەممووزی ٢٠٠٠(٢٠٠٠-٠٧-٢٣) (٧٤ ساڵ ژیاوە) کەرەج، ئێران
پیشە	شاعیر، ئینسایکڵۆپیدیایست، ڕۆژنامەوان
نەتەوە	ئێرانی
ماوە	١٩٧٤–٢٠٠٠
جووڵانەوەی ئەدەبى	وێژەی مۆدێرن
خەڵاتە بەرچاوەکان	خەڵاتی فرووغی فەروخزاد، ١٩٧٣ خەڵاتی ئازادی ڕادەربڕین لەلایەن ھیومەن ڕایتس وۆچ، ١٩٩٠ خەڵاتی ستیگ داگەرمان، ١٩٩٩ خەڵاتی وشەی ئازاد لەلایەن ڕێکخراوی شاعیرانی ھەموو نەتەوەکان لە ھۆڵەندا، ٢٠٠٠
واژوو
وێبگە
https://www.shamlou.org/

شاملوو کارێکی زۆری لە فەڕەنسییەوە وەرگێڕاوەتە سەر فارسی و کارەکانی خۆشی بۆ زۆر زمان وەرگێڕدراون. ھەروەھا چەند شانۆنامەیەکی نووسیوە، ھەڵەچنیی لە کارەکانی چەندان شاعیری کلاسیکیی ئێرانیدا کردووە، بە تایبەتی حافز. کتێبە ١٣ بەشییەکەی، کتاب کوچه، کۆمەکێکی گەورەیە لە تێگەیشتنی زمان و باوەڕەکانی فۆلکلۆری ئێرانی. ئەو ھەروەھا ڕۆمان و سیناریۆشی نووسیوە، و کاری لە وێژەی مناڵان و ڕۆژنامەوانیشدا کردووە.

ئەم بەرھەمانەی کراونەتە کوردی:

1. سێ سەعات و بیست و دوو دەقیقەی بەرەبەیان(وەرگێڕان: حوسێن شێربەگی) - ٢٠٠٦