نەسائی
ئەبوعەبدول ڕەحمان ئەحمەد کوڕی شوعەیب کوری عەلی کوری ئیبن بەحر کوڕی سینان کوری دینار نەسائی، قازی و یەکێک لە پێشەواکانی فەرموودەیە، خاوەنی سونەنەی گەورە و بچوکە.
| ئیمام نەسائی | |
|---|---|
| ناو: | ئیمام نەسائی |
| ناوی تەواو: | ئەحمەد کوڕی شوعەیب |
| ڕێکەوتی لەدایکبوون: | ٢١٥ی کۆچی |
| شوێنی لەدایکبوون: |  ئێران |
| ڕێکەوتی مردن: | ٣٠٣ی کۆچی |
| بیروباوەڕ: | سوننە |
| بواری کردوکۆش: | زانستی فەرموودە |
کورتەی ژیانی
ئەبوعەبدول ڕەحمان ئەحمەد کوڕی شوعەیب کوری عەلی کوری ئیبن بەحر کوڕی سینان کوری دینار نەسائی، لەدایکبووە لە بنسا لە وڵاتی خۆراسان (ئێرانی ئێستا) ساڵی ٢١٥ک، هەر لەمناڵیەوە گۆشکرا لەسەر بەدەستهێنانی زانست و گەڕان بەدوای زانیارییدا، و بەدواییدا چەندین وڵات گەراوە لەوانە، حیجاز و عێراق و شام و جەزیرە و میسر و گوێی لە زۆر گرتووە لەم وڵاتانەدا، هاوکات لەگەڵ گەڕان بەدوای زانستدا زۆر خواپەرستی کردووە، و هەروەها زۆر پایەی بەدەستهێناوە وەک ئەمیر حومس. و زۆر بە جەرگ و ئازا و بوێر بووە، و کۆچی دوایی کردووە ساڵی ٣٠٣ک.
مامۆستا و خوێنکارەکانی
لە گرنگترین ئەو زانایانەی نەسائی زانستی لێ وەرگرتووە و لێوەی فێربووە، قوتەیبە کوری سەعید بووە، کە لە تەمەنی پانزە ساڵیەوە چوو بۆ لای و ساڵێک و دوو مانگ لای مایەوە، و هەروەها لەو زانایانەی تر کە گوێێ لێ گرتوون ئەبی کریب و سوید کوری نەسڕ و محەمەد کوڕی نەزڕ مرزوی، و ئەبوداوود و ترمزی ... و ئەوانی تر.
و زۆرن ئەوانەی زانیارییان لە نەسائی وەرگرتووە، لەوانە، ئەبوقاسم تەبڕانی، و جەعفەر تەحاوی، و حەسەن کوڕی ڕەشیق و حەممزە کینانی، و ئەبوعەلی حسەین کوڕی محەمەد نیساپوری... و ئەوانی تر.
دەربارەی ووتویانە
زانایان لەسەر گەورەیی و زانایی و پێشەوایەتی نەسائی ڕێکن، لەو ووتانەی دەربارەی هاتووە،
- ئیبن یونس دەڵێت؛ نەسائی پیشەوای فەرموودەیە، جێی متمانەیە، حافزێکی وردەکارە.
- ئەبوحسەین کوری موزەفەڕ دەڵێت؛ گوێم لە مامۆستایان بوو لە میسر دەربارەی نەسائی ئەیانووت، پێشخستن و پێشەوایەتی قابیلە.
سەرچاوەکان
- شەش پێشەواکەی فەرموودە، نووسینی/ نەجمەددین فەرەج ئەحمەد
- وێکی عەرەبی
| کۆمنزی ویکیمیدیا، میدیای پەیوەندیدار بە نەسائی تێدایە. |
This article uses material from the Wikipedia Soranî / کوردی article نەسائی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.