مەنفی
مەنفی نازناوی مەلا رەسووڵ کوڕی مەلا مەحمودی بێتووشییە (؟ - ١٩٢١) شاعیرێکی کوردی شاری کۆیە بوو وە یەکێکە لە شاعیرانی شیعری کلاسیکی کوردی.
| مەنفی | |
|---|---|
| لەدایکبوون | رەسووڵ کوڕی مەلا مەحمودی بێتووشی کۆیە |
| مردن | ١٩٢١ز کۆیە |
| شوێنی گۆڕ | کۆیە |
| پیشە | شاعیر |
| زمان | کوردی، فارسی |
| نەتەوە | کورد |
| خوێندن | خوێندنی حوجرە و مەلایەتی |
| بواری کارکردن | شیعری کلاسیکی کوردی |
ژیاننامە
باوکی لە بێتووشەوە ھاتووە بۆ کۆیە و لەوێ نیشتەجێ بووە، ئینجا مەلا رەسووڵ لە کۆیە لەدایک بووە، باوکی لە مزگەوتی منارە مەلا بووە، رەسووڵی کوڕی لای ئەو خوێندوویەتی، لە دوای مردنی باوکی جێنشینی ئەو بووە و حوجرەی خوێندنی داناوە و زانستییەکانی ئایینی ئیسلام و زمانی عەرەبی فێری قوتابیان کردووە.
مەنفی زمانی فارسی زانیوە، لەبەر ئەوە لە سەردەمی داگیرکردنی کۆیە لەلایەن ئینگلیزەوە بووە بە وەرگێڕی داگیرکەرە ئینگلیزەکان چونکە ھەندێ لەو ئەفسەرە ئینگلیزانە ڕۆژھەڵاتناس بوون زمانی فارسییان لە کوردی باشتر زانیوە. مەنفی لە بنەماڵەی بێتووشییە، لەو خێزانەدا زانا و شاعیری گەورە ھەڵکەوتوون، لەوانە مەلا عەبدوڵڵای بێتووشی ناودار، شاعیری ئەم ناوە پێوەندی بە کاک مستەفای ھیران "سافی" بووە، نێوانیان خۆش بووە، شیعری بەسەر سافیدا ھەڵداوە. لە ساڵی ١٩١٩ مەنفی کراوە بە بەڕێوەبەری قوتابخانەی سەرەتایی لە کۆیە کە ناوی "ئوولا" واتە"یەکەم" بووە. مەنفی لە ساڵی ١٩٢١ لە کۆیە کۆچی دواییکردووە و ھەر لەوێش نێژراوە.
ئەمانەش ببینە
پەراوێزەکان
سەرچاوەکان
- کتێبی: مێژووی ئەدەبی کوردی، بەرگی یەکەم، نووسینی: دکتۆر مارف خەزنەدار. چاپی ٢٠٠٤ هەولێر
This article uses material from the Wikipedia Soranî / کوردی article مەنفی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.