ئەبوو مەھدی موھەندیس: جێگری پێشوی سەرۆكی حەشدی شەعبی

ئەبوو مەھدی موھەندیس
ئەبوو مەھدی موھەندیس;
لەدایکبوون	١ی تەممووزی ١٩٥٤; بەسرە، عێراق
مەرگ	٣ی کانوونی دووەمی ٢٠٢٠ (٦٥ ساڵ ژیاوە); فڕۆکەخانەی نێونەتەوەییی بەغدا
ھۆکاری مەرگ	ھێرشی ئاسمانی
شوێنی دۆزینەی تەرم	نزیک فڕۆکەخانەی بەغدا
نیشتەجێی	بەغدا
نەتەوە	عەرەب
ناوەکانی تر	جەمال ئیبراھیمی
پیشە	سیاسەتمەدار -جێگری سەرۆکی دەستەی حەشدی شەعبی
چالاکبوون	٢٠٢٠–١٩٧٧
حیزبی سیاسی	پارتی دەعوەی ئیسلامی عێراقی
ئایین	ئیسلام

ئەبوو موھەندیس یەکێک بوو لەسەرکردەکانی حەشدی شەعبی. ھاوژینەکەی ئێرانی بوو. لە ساڵی ١٩٧٧ بەشی ئەندازیاری شارستانی لە زانکۆی تەکنۆلۆژی بەسرا تەواو کرد.

ژیاننامە

لە ١٩٥٤ لە بەسرا لەدایک بوو، لە ١٩٧٧بەکالۆریۆسی لە ئەندازیاری شارستانی وەرگرتووە دواتر لە ئێران بەکالۆریۆسی لە زانستە ڕامیاریەکان وەرگرتووە و لەھەمان بەش دکتۆراشی وەرگرتووە ھەروەھا زانستیە شیعیەکانی خوێندوە لەلایەن موحسین ئەلحەکیم.

لەنزیک فڕۆکەخانەی بەغدا کوژرا.

ئەزموونە ڕامیارییەکان

لە قۆناغی ناوەندی خوێندنی بۆتە ئەندام لە پارتی دەعوەی ئیسلامی، لەدوای ڕووداوەکانی ڕەجەب (١٩٧٩)لەگەڵ پۆلێک لە ھاورێکانی دەستگیردەکرێت و لەدادگای شۆرشی عێراق دادگایی دەکرێت بەڵام دوای کوژرانی محەممەد باقر ئەل حەکیم لە (١٩٧٩)لەلایەن سەددام حوسێن ەوە ئازاد دەکرێت و عێراق جێدەھێلێت بە ئاراستەی ئێران (١٩٨٠)، لە (١٩٨٥)دەبێت بە ئەندام لە ئەنجومەنی باڵای ئیسلامی عێراقی لە ھەردوو بواری سەربازی و ڕامیاری بەتایبەت لە فەیلەقی بەدرتاوەکو کۆتایی نەوەدەکان. لەدوای ڕووخانی ڕژێمی سەددام حوسێن لە ٢٠٠٣لەلایەن پارتە شیعیەکانی عێراق ڕۆلی پێدەدرێت و شوێنپەنجەی دیاردەبێت لە پێکھێنانی ئیتلافی وەتەنی ئەلموەحەد وئیتلافی وەتەنی ئەل عیراقی دواتر دەبێت بە یەکێک لە سەرکردەکانی حەشدی شەعبی.

تاوانەکان

بەپێی ھەواڵەکانی CNN کە لە سەرچاوەیەکی ھەواڵگری سەربازی ئەمریکی دەستی کەوتووە، ئەبوو موھەندیس لەلایەن پۆلیسی نێودەولەتی (ئەنتەرپول) داواکراوە بەھۆی تەقاندنەوەی باڵوێزخانەکانی ئەمریکا و فەرەنسا لە لە کوێت لەڕێگای ترومبێلی بۆمبڕێژکراوەوە لە کانونی یەکەمی ١٩٨٣کە بەھۆیەوە پێنج ھاوڵاتی گیانیان لەدەستدا لەگەڵ برینداربوونی ٨٦ کەسی تر، کە بەھۆیەوە دادگای باڵای کوێت فەرمانی لەسێدارەدانی بۆ دەرکردووە لە ١٩٨٤.

ھەروەھا ھەڵی داوە یەکێک لە فرۆکەکانی ھێلی ئاسمانی کوێتی برفێنێت (١٩٨٤)، ھەروەھا لە (١٩٨٥)ھەوڵی تیرۆرکردنی ئەمیری کوێتی داوە کە ئەوکات پارتی دەعوە بەرپرسیارێتی ئەم کارانەی لەئەستۆگرت وەک دژایەتی کردنێکی کوێت بۆ پاڵپشتی عێراق لە جەنگی دژ بە ئێران.

دوای کەوتنی موسڵ

لەدوای گرتنی شاری موسڵ لەلایەن داعشەوە ھێزەکانی حەشدی شەعبی پێکھات لەلایەن کۆماری ئیسلامی ئێرانەوە دژ بە ھێزەکانی داعش، ئەبوو موھەندیس لەم بوو بە جێگری سەرۆکی ھێزەکانی حەشدی شەعبی، لە بڵاوەپێکردن و کوشتنی خۆپێشاندەرانی بەغدا و شارەکانی باشووری عێراق (٢٠١٩)ڕۆڵی سەرەکی ھەبوو ھەروەھا بەیەکێک بوو لەوکەسانەی کە ھێرشی کردە سەر قونسولخانەی ئەمریکا لە بەغدا و فرۆکەخانەی کەیوان لە کەرکوک (٢٠١٩)لە (٣ی کانوونی دووەمی ٢٠٢٠)لەلایەن ئەمریکاوە لەگەڵ قاسمی سولەیمانی لەشوێنێکی نزیک فڕۆکەخانەی بەغدا کوژرا.

کوژرانی لە فرۆکەخانە

دوای ڕووداوەکانی خۆپیشاندانەکانی عێراق و کوشتنی سەربازێکی ئەمریکی و هێرشی ئاسمانیی ئەمریکا کوشتنی دەیان سەربازی حەشدی شەعبی و هەڵکوتانە سەر باڵیۆزخانەی ئەمریکا لە بەغدا، قاسم سولێمانی لەلایەن عادل عەبدولمەھدی بانگهێشت دەکرێ و ئەویش بە سەردانێک لە درەنگانێکی شەودا دەگاتە فرۆکەخانەی بەغدا و ئەبوو مەهدی موهەندیس لەوێ پێشوازی لێ دەکات و، دوای دەرچوونیان لە فڕۆکەخانە، لە هێرشێکی فڕۆکەی بێفڕۆکەوانی ئەمریکی دەکوژرێت. لەلایەن سەرۆک وەزیرانی عێراقەوە ٣ ڕۆژ ماتەمینی گشتی لە عێراق ڕاگەیاندرا.^{[ژێدەر پێویستە]}

سەرچاوەکان

بەشداربووانی ویکیپیدیا، «أبو مهدي المهندس»، ویکیپیدیای عەرەبی. سەردان لە ٣ی کانوونی دووەمی ٢٠٢٠.

بەستەرە دەرەکییەکان

This article uses material from the Wikipedia Soranî / کوردی article ئەبوو مەھدی موھەندیس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.