Kalod
Kalod zo un enezennig e Bae Montroulez, dirak Karanteg.
Un danvez pennad eo ar pennad-mañ diwar-benn inizi Breizh ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
| Kalod | |
|---|---|
 Darn norzh Kalod. | |
| Anv gallek | Île Callot |
| Geografiezh | |
| Lec'hiadur | Bae Montroulez, (Mor Breizh) |
| Daveennoù lec'hiañ | 48° 41′ N, 3° 56′ K |
| Lein uhelañ | 38 m |
| Geologiezh | Enez kevandirel |
| Melestradurezh | |
| Bro |  Breizh |
| Bro hengounel |  Bro-Leon |
| Departamant |  Penn-ar-Bed |
| Kumunioù | Karanteg |
| Poblañs | |
| Poblañs | ? ann. |
| Titouroù all | |
| Dizoloadenn | Ragistor |
| Gwerzhid-eur | UTC+01:00 |
kemmañ  | |
Stag e vez ouzh an douar-bras pa vez tre ha mont a c'haller di war-bouez un hent-karr. Tri c'hilometr hed eo an enezenn ha n'a ket he ledander en tu-hont da dri c'hant metr bennak.
N'eus ket kalz tud o vevañ a-hed ar bloaz e Kalod ken, met gwechall e oa staliet meur a familh eno, labourerien-douar, bezhinaerien ha pesketaerien anezho. D'ur mare zo e teuas bezhinaerien eus Plougerne d'ober o annez e Kalod. Lesanvet e oant ar Japoned (Japaniz) gant tud all ar vro.
Istor
Aloubet e vije bet Kalod gant Daned e dibenn ar Vvet kantved. Eno o dije kuzhet ar madoù tapet ganto pa oant o preizhañ ar vro tro-dro. Ur penn brezhon, Riwallon, a zivizas un deiz en em gannañ ouzh ar vorlaeron-se, ha dont a reas an trec'h gantañ, hervez a lenner e skridoù Albert Le Grand, goude ma vije bet o pediñ ar Werc'hez Vari. Da-heul e drec'h e lakaas sevel ur chapel, gouestlet d'an Itron Varia, e penn run uhelañ an enez. Daoust ma voe mastaret ar chapel da vare an Dispac'h gall, e voe adkempennet goude.
E-pad ar XVIIvet kantved e oa bet tennet kalz greunvaen eus an enez. Meur a savadur e Montroulez, evel an ospital, Labouradeg ar Butun pe ar Pont bras, a voe savet gant mein tennet eus Kalod.
War an aod, en ul lec'h anvet Toull ar Sarpant e oa bet sant Karanteg, hervez ar richenn, o lazhañ un aerouant spontus, ha gwelet a c'haller roudoù e skilfoù war ar reier c'hoazh.
Chapel
- Ur skrid brezhonek zo ouzh moger ar chapel en diabarzh.
|
| Hon tad santel ar Pab, GREGOR XVI, A- |
Liammoù diavaez
Notennoù
| | Porched Breizh – Adkavit pennadoù ha rummadoù Wikipedia a denn da Vreizh. |
This article uses material from the Wikipedia Brezhoneg article Kalod, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.