Jacques Necker: Skrivagner gallek
Jacques Necker, ganet d'an 28 a viz Gwengolo 1732 e Genève en Republik Genève hag aet da Anaon d'an 9 a viz Ebrel 1804 e Coppet e Suis, a oa un arc'hantour ha politiker genevat.
Brudet eo evit bezañ bet ministr an arc'hant e-pad ren Loeiz XVI. Tad Madame de Staël eo.
Pinvidik e oa deuet da vezañ evel bankour e Pariz. Ur mailh e oa a-fed ekonomiezh. Galvet e voe gant ar roue Loeiz XVI evit bezañ penn rener an teñzor roueel e 1776, ha goude-se ministr an arc'hant. Modernaat a raio aozadur ekonomikel ar rouantelezh en ur enebiñ ouzh frankizouriezh ar re bet en e raok. Skarzhet e voe e miz Mae 1781, nebeut amzer a-raok trafikerezh an ti-eskemm, galvet e voe en-dro e miz Eost 1788 gant an titl a vinistr Stad dre ma oa harpet gant ar volentez foran. Eñ eo a c'halvas Emvod ar Stadoù-Meur, gant un niver doubl a gannaded evit an Trede Stad. Skarzhet e voe ur wech c'hoazh gant Loeiz XVI d'an 11 a viz Gouhere 1789 evit bezañ bet ezvezant eus bodad roueel an 23 a viz Even 1789, adkemeret e voe goude Kemeridigezh ar Bastille evit sioulaat ar reveulzierien. Dirak enebadur daonet ar Vodadeg vroadel, e roas e zilez e miz Gwengolo 1790 ha skrivañ a reas un dezrevell flemmus eus pennaenn nevez an ingalded.
This article uses material from the Wikipedia Brezhoneg article Jacques Necker, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.