Diana degli Andalò (pe di Andalò) a oa ul leanez dominikan italian, ganet e 1201, ha marvet e 1236, e kêr Bologna.
Krouet he deus ul leandi gouestlet da Santez Agnes e Bologna e 1223. Ganet eo bet e 1201. Aet eo da Anaon d'an 10 a viz Mezheven 1236. Lakaet eo bet war roll an dud wenvidik e 1888 pe e 1891 hervez ar mammennoù gant ar Pab Leon XIII. Lidet e vez he gouel pe d'an 9 pe d'an 10 a viz Mezheven hervez al lec'hioù.
En em staliañ a reas ar Vreudeur prezegerien e Bologna e 1218. E 1219 e voe roet dezho iliz San Nicolò delle Vigne a-drugarez d'ar c'hardinal Ugolino ha daoust da enebiezh Loderingo degli Andalò, breur Diana ha perc'henn an douaroù.
Levezonet gant he rener speredel an dominikan Reginaldo da Bologna e tilezas Diana he buhez mondian evit krouiñ ur gouent. Anavezout ha doujañ a rae Domingo de Guzmán. Goulenn a reas e sikour e 1221. Daoust da ziaesterioù a-berzh he familh e krouas d'an 13 a viz Mae 1223 kouent dominikan Santez Agnes e Bologna gant harp Jordan von Sachsen peurgetket. Keneiled tost e teujont da vezañ.
Priolez ar gouent e chomas betek he marv d'an 10 a viz Mezheven 1236.
Daou zeiziad a gaver evit hec'h enskrivadur war roll an dud wenvidik gant ar Pab Leon XIII pe d'an 8 a viz Eost 1888 pe d'ar 24 a viz Kerzu 1891 asambles gant he c'heneilezed Cecilia Caesarini hag Amata.
This article uses material from the Wikipedia Brezhoneg article Diana degli Andalò, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.