Abati Montmajor
Abati Montmajor zo un abati Beneadiz savet e Provañs e 948.
Emañ e-kichen Arle, en departamant Bouches-du-Rhône.
MONUMANT  ISTOREL |
|---|
Istor
Savet e voe war reier e-kreiz geunioù, en Xvet kantved. Dont a reas buan da vezañ unan eus abatioù pinvidikañ Provañs ha kresket e voe, etre an XIvet hag an XVIIIvet kantved, gant savadurioù nevez. En XIvet kantved e voe beziet konted Provañs eno.
Er Grennamzer e veze graet ur pardon d’an 3 a viz Mae ha dont a rae miliadoù a dud da v-Montmajor.
Dilezet e voe an abati e dibenn an XVIIIvet kantved ha dismantret e voe e-pad an Dispac'h gall.
Lakaet e voe an abati da vonumant istorel e 1840 hag adsavet e voe da vare an Eil Impalaeriezh c'hall. Abaoe 1945 ez eo perc’hennet gant ar Stad c’hall.
En hollad savadurioù Montmajor e kaver ur peniti (XIvet kantved), ur manati eus ar Grennamzer (XIIvet kanved), un tour-ged (XIVvet kantved) hag ur manati klasel (deroù an XVIIIvet kantved).
Notennoù
This article uses material from the Wikipedia Brezhoneg article Abati Montmajor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.