Alfred Bester

Bester (New York, 18 a viz Kerzu 1913 – Doylestown, Pennsylvania, 30 a viz Gwengolo 1987) a oa ur skrivagner stadunanat war dachenn ar skiant-faltazi. Evit ar skingomz hag ar skinwel e skivas ivez, koulz hag evit bannoù-treset.

Alfred Bester

den

Reizh pe jener	paotr
Bro ar geodedouriezh	Stadoù-Unanet
Anv-bihan	Alfred
Anv-familh	Bester
Deiziad ganedigezh	18 Kzu 1913
Lec'h ganedigezh	Manhattan
Deiziad ar marv	30 Gwe 1987
Lec'h ar marv	Doylestown
Yezhoù komzet pe skrivet	saozneg SUA
Yezh implijet dre skrid	saozneg
Micher	romanter, skrivagner, kazetenner, skrivagner skiant-faltazi, senarioour(ez)
Bet war ar studi e	University of Pennsylvania
Deroù ar prantad labour	1939
Oberenn heverk	The Demolished Man, The Stars My Destination
Tachenn	skiant-faltazi
Prizioù resevet	Hugo Award for Best Novel, Prometheus Award - Hall of Fame, Damon Knight Memorial Grand Master Award, Science Fiction and Fantasy Hall of Fame

E Manhattan e New York e voe ganet Alfred Bester d'an 18 a viz Kerzu 1913, eil bugel ha mab nemetañ James J. Bester, ur Yuzev aostrian perc'henn war ur stal-votoù, ha Bell Silverman, ur Yuzevez a oa bet ganet en Impalaeriezh Rusia ; ar yideg e oa he yezh-vamm kent he divroañ da SUA en he c'hrennoad. Ur verc'h, Rita, o devoa bet e 1908. An itron Bester a droas d'ar ranngredenn Skiant kristen bet diazezet gant Mary Baker Eddy (1821-1910) e 1879 ; daoust da gement-se ne voe kelennet relijion ebet da Rita hag Alfred.

Goude e studi e Skol-veur Pennsylvania ez eas da gevrenn ar gwir e Skol-veur Columbia e New York, a zilezas goude daou vloavezh hepken avat.

E 1936 e timezas da Rolly Goulko (1917-1984), un aktourez e Broadway, er skinwel hag er skingomz (hi e voe mouezh kentañ Lois Lane en abadenn skingomz The Adventures of Superman skignet gant WOR-AM adalek 1940 betek 1951).

E 1938, oadet a 25 bloaz, e tivizas Alfred Bester skrivañ istorioù skiant-faltazi. Bloaz goude e voe embannet e istor berr kentañ, The Broken Axiom er gelaouenn Thrilling Wonder Stories, ha priz ar gwellañ istor bet skrivet gant un amatour a voe deroet dezhañ. Trizek istor all a voe embannet e 1939 ha 1940 e Thrilling Wonder Stories ha Startling Stories. Goude-se e kendalc'has A. Bester da skrivañ istorioù berr, evit Astounding Science Fiction ivez.

Er bloaz 1942 e voe pedet da skrivañ evit an embanner bannoù-treset DC Comics, ma savas istorioù Superman, Batman ha Captain Marvel ; istorioù Green Lantern a skrivas ivez, ha gantañ e voe ijinet ar Green Lantern Oaths ("Leoù Green Lantern") hollvrudet. Evit an aozadur King Features Syndicate e skrivas istorioù Mandrake the Magician ha The Phantom p'edo o c'hrouer Lee Falks (1911-1999) o stourm en Eil Brezel-bed.

Goude tremenet pevar bloavezh o skrivañ evit bannoù-treset e troas Alfred Bester war-du ar skingomz, pa oa bet lavaret dezhañ gant e wreg e oa klask war-lerc'h istorioù nevez. Skrivañ evit ar stirad Nick Carter (skignet e 1943-45) a eure neuze, koulz hag evit The Shadow (1930-54), Charlie Chan (1932-48), The New Adventures of Nero Wolfe (1950-51) hag abadennoù all. Evit ar stirad S-F The CBS Radio Mystery Theater (1974-82) e skrivas ivez diwezhatoc'h.

Pa voe diorroet ar skinwel en SUA adalek 1948 e stagas da skrivañ evit ar media nevez-se, ar stirad Tom Corbett: Space Cadet (1950-55) pergen.

Adalek 1950 e tistroas da skrivañ istorioù S-F, a voe embannet en Astounding Science Fiction hag e The Magazine of Fantasy and Science Fiction.

E 1952 e voe embannet e romant kentañ, The Demolished Man er gelaouenn Galaxy dre deir rann, kent al levr e 1953 ; un taol kaer e voe, pa c'hounezas ar Priz Hugo kentañ evit ar romant gwellañ. E 1953 c'hoazh ec'h embannas A. Bester e eil romant, Who He? (anvet The Rat Race e 1956), diwar-benn greanterezh ar skinwel.

A-drugarez d'e c'hoproù e veajas Alfred Bester gant e bried da Europa (Rouantelezh-Unanet hag Italia) ma skrivas pennadoù a-zivout ar skinwel europat evit ar gelouenn Holiday ha man echuas e drede romant, The Stars My Destination (Tiger! Tiger! en R-U e 1956 kent an embannadur en SUA e 1957). En un doare reoliek e skrivas pennadoù a-zivout ar beajiñ evit Holiday a-raok bezañ he fennskriver adalek 1963 betek he niverenn diwezhañ e 1971

E deroù ar bloavezhioù 1980 e tilojas an tiegezh Bester da Ottsville (Pennsylvania), nepell diouzh Doylestown ma varvas Alfred d'an 30 a viz Gwengolo 1987 a-c'houde ul lez torret, d'an oad a 74 vloaz.

 

 

Nann-faltazi

Romantoù

• 1953 : Who He? (en R-U ; The Rat Race en SUA, 1957)
• 1991 (dalif) : Tender Loving Rage

Arnodskridoù

• 1951 : Writing the Radio Mystery
• 1959 : The Science Fiction Novel (a-gevret gant Robert Bloch, Basil Davenport, Robert A. Heinlein ha Cyril M. Kornbluth)
• 1966 : The Life and Death of a Satellite

Skiant-faltazi

Romantoù

• 1952 : The Demolished Man
• 1956 : The Stars My Destination
• 1975 : The Computer Connection
• 1979 : The Stars My Destination, Volume One: The Graphic Story Adaptation (romant grafek, treset gant Howard Chaykin)
• 1980 : Golem 100
• 1981 : The Deceivers
• 1998 (dalif) : Psychoshop (a-gevret gant Roger Zelazny)

Istorioù berr

• 1939 : The Broken Axiom • No Help Wanted
• 1940 : Guinea Pig, Ph.D. • Voyage to Nowhere
• 1941 : The Mad Molecule • Slaves of the Life-Ray • The Pet Nebula • The Probable Man • Adam and No Eve • The Biped, Reegan
• 1942 : Life for Sale • The Push of a Finger • The Unseen Blushers • Hell Is Forever
• 1950 : Oddy and Id
• 1951 : Of Time and Third Avenue
• 1952 : Hobson's Choice
• 1953 : Disappearing Act • The Roller Coaster • Star Light, Star Bright • Time Is the Traitor
• 1954 : 5,271,009 • Fondly Fahrenheit
• 1958 : The Die-Hard • Travel Diary • The Men Who Murdered Mohammed
• 1959 : Will You Wait? • The Black Nebulea (Quintet, Part 1) • The Pi Man
• 1963 : I Will Never Celebrate New Year's Again • They Don't Make Life Like They Used to
• 1964 : The Flowered Thundermug • Out of This World
• 1968 : Ms. Found in a Champagne Bottle
• 1972 : The Animal Fair
• 1973 : Something Up There Likes Me
• 1974 : The Four-Hour Fugue
• 1976 : Here Come the Clones: A Complete Short History of SF Writing with Fifty All-Purpose Footnotes
• 1979 : Galatea Galante, the Perfect Popsy • MS Found in a Coconut
• 1987 : The "Hes", the "Shes", and the "Its"
• 1989 (dalif) : Never Love a Hellhag
• 1997 (d.) : And 3½ to Go'' • The Devil Without Glasses
• 2000 (d.) : The Demolished Man: the Deleted Prologue • The Lost Child
• Diembann : Emerging Nation • The Black Hole Pawnshop

Dastumadoù

• 1958 : Starburst
• 1964 : The Light Fantastic
• 1976 : Star Light, Star Bright
• 1997 (dalif) : Virtual Unrealities: The Short Fiction of Alfred Bester
• 2000 (dalif) : Redemolished
• Diembann : Witches Times Four

Torkadoù

• 1967 : An Alfred Bester Omnibus
• 1976 : Starlight: The Great Short Fiction of Alfred Bester

Levrioùigoù (dalif)

• 2009 : The Flowered Thundermug
• 2013 : The Starcomber
• 2020 : The Push of a Finger
• 2022 : The Unseen Blushers

• 1953 : Hugo Award evit The Demolished Man
• 1987 : Nebula Grand Master
• 1988 (dalif) : Prometheus Hall of Fame Award evit The Stars My Destination

• (en) The Internet Speculative Fiction Database. Kavet : 22/04/2023.