Ak-74
An AK-74, e rusianeg Автомат Калашникова образца 1974 года pe Kalashnikov fuzuilh aotomatek stumm 1974, a zo ur fuzuilh-arsailh savet gant an ijinour brudet Mic'hail Kalachnikov e penn-kentañ ar bloavezhioù 1970.
| Iskevrennad eus | fuzuilh-arsailh  |
|---|---|
| Deiziad krouiñ | 1974 |
| Anv er yezh a orin | АК-74 |
| Brezel | Brezel Afghanistan, Brezel diabarzh Siria |
| Bro orin | Unaniezh ar Republikoù Sokialour ha Soviedel |
| Manufacturer | Kalashnikov Concern |
| Munision | 5.45×39mm |
| Treset gant | Mic'hail Kalachnikov |
| Lakaet er servij | 1978 |
Deskrivadur
Un adkempenn modern eus an AKM (bet dija un adkempenn eus an AK-47) ez eo an AK-74. Chom a ra tost an AK-74 ouzh an AKM rak 50% eus e bezhioù a zo heñvel-rik hag a c'hell bezañ eskemmet an eil gant egile. E-pad brezel Afghanistan e voe implijet an AK-74 evit war wech kentañ.
Ar cheñchamant brasañ da-geñver ar stummoù AK all (AK-47 da skouer) eo implij kartouchennoù lijeroc'h 5,45 x 39 mm e plas ar re 7,62 × 39 mm ijinet da vare an Eil Brezel-bed.
Hiziv an deiz e vez produet c'hoazh gant an embregerezh armoù Izmash ha kopiennoù a vez graet dindan lisañs e Bulgaria. Implijet e vez c'hoazh e reter an Europa, Mongolia, Strolladoù stourm begenn Korea an Norzh pe c'hoazh troadegiezh morlu poblel ar Vietnam. E deroù aloubadeg Ukraina gant Rusia e miz C'hwevrer 2022 ez eus bet roet miliadoù a skouerennoù eus an arm gant gouarnamant Ukraina d'ar re a felle dezhe difenn o bro. Implijet e vez an AK-74 gant an daou du er brezel-mañ.
Tro-dro d'an AK-74
Ar CIA a oa prest da reiñ 5000 a zolarioù US evit ar re gentañ a AK-74 tapet gant ar re mujahadin ha roet dezhi e-pad brezel Afghanistan.
Liammoù diavaez
- (ru) Diell teknikel an AK-74.
- kinnig un adstumm eus an AK-74 war ar chadenn Maître Luger, 26/10/2021 (galleg)
Notennoù ha daveennoù
This article uses material from the Wikipedia Brezhoneg article AK-74, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.