མོག་མོག་
མོག་མོགནི་རླངས་བཙོས་བྱས་པའི་ཁ་ཟས།
མོག་མོག་ལ་རིགས་མི་འདྲ་བ་ཡོད་ཅིང་། གཙོ་བོ་ནི་ཤ་ཡོད་དང་ཤ་མེད་གཉིས་སུ་ཕྱེ་ཆོག ཤ་ཡོད་མོག་མོག་ནི་གཡག་ཤ་དང་གླང་སོགས་ཤ་ཆེན་རིགས་དྲོ་བ་ཆེན་ཞིང་། བྱ་ཤ་སོགས་ཀྱང་བཀོལ་རུང་། གོང་གི་ཤ་རིགས་གང་ཞིག་ཞིབ་མོར་བཙག་ཏེ་སྨན་སྣ་དང་སྣུམ་ཙོང་དང་པ་ལག་སོགས་ཚལ་རིགས་ཉུང་ཙམ་བཅས་གྲ་སྒྲིག་བཟོ་དགོས། གྲོ་ཕྱེ་ཆུ་ཚོད་གཅིག་གི་སྔོན་ནས་བརྫིས་ཏེ་སྣོད་ཆས་ཤིག་གི་ནང་དུ་ཁ་བཅད་རྒྱག་ནས་བཞག་དགོས། དེ་ནས་མོག་མོག་བཟོ་སྟངས་ནི་ གྲོ་ཕྱེ་དུམ་བུ་ཆུང་ངུ་པག་ཚད་ཆེ་ཆུང་གཅིག་པ་རྒྱག་དགོས་ལ། དེ་ནས་པག་ཚད་དེ་དག་རེ་རེ་བཞིན་ལག་གིས་བསྒྲིལ་ནས་རིལ་རིལ་བཟོས་ཏེ་གནོན་ནས་ལེབ་ལེབ་བཟོ། དེ་ནས་རྒྱུགས་རིལ་གྱིས་མཐའ་ནས་གནོན་ཏེ་ལེབ་ལེབ་བཟོས་རྗེས་མང་ཉུང་རན་པའི་ཤ་བླུགས་ཁ་ཟུམ་དགོས། ཁ་ཟུམ་སྟངས་མི་འདྲ་བ་གཉིས་ཡོད་ཅིང་། གཅིག་ནི་མོག་པགས་མཐའ་ནས་གཡོན་ལ་སྐོར་ནས་ལྟེབས་བརྩེགས་རྒྱག་དགོས། མོག་མོག་འདིའི་དབྱིབས་ནི་ཟླུམ་པོར་འགྱུར། ཡང་གཞན་དེ་ནི་སིལ་མོར་མི་བྱེད་པར་མོག་པགས་སྣེ་གཉིས་ཕན་ཚུན་སྦྱར་ཏེ་ཟླ་བ་ཕྱེད་པ་ལྟ་བུ་བཟོས་རྗས་སྣེ་གཉིས་ནང་དུ་བཀུག་དགོས། མོག་བཀྲག་ནང་དུ་སྣུམ་ཅུང་ཟད་བྱུག་དགོས། དེ་ནི་མོག་པགས་མི་འབྱར་བའི་ཆེད་དུ་རེད། མོག་མོག་མེ་ཐབ་ཏུ་མེ་ཚ་དོད་སྙོམས་པ་བྱས་ནས་སྐར་མ་བཅོ་ལྔ་ཙམ་བཙོ་དགོས། ད་གཟོད་མོག་མོག་ཟ་ཆོག་པ་ཡིན།
 | རྩོམ་ཡིག་འདི་རིགས་དགར་མེད་པས་རྩོམ་ཡིག་འདི་ཆ་ཚང་བོར་བཟོས་ནས་ཝེ་ཁེ་རིག་མཛོད་གོང་འཕེལ་གཏོང་རོགས། རྩོམ་སྒྲིག། |
 | ནང་དོན་འདིའི་རེ་བ།གཙང་མ་བཟོས་པ། . ཁྱེད་ཀྱིས་ཐུབ་ན་ནང་དོན་འདིར་བཟོ་བཅོས་ལེགས་པར་གྱིས། |
==
This article uses material from the Wikipedia བོད་སྐད article མོག་མོག་, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). དེ་མིན་གྱི་མཆན་འགྲེལ་ཡོད་ན་མ་གཏོགས། དྲ་བའི་ནང་དོན་ CC BY-SA 4.0 སྟེང་དུ་ཡོད། Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki བོད་སྐད (DUHOCTRUNGQUOC.VN) is an independent company and has no affiliation with Wiki Foundation.