Bilungka atawa Kara'i (basa Indunisia: mentimun, Cucumis sativus L.; suku tamasuk buah Cucurbitaceae) tumbuhan nang kawa dimakan.
Buahnya diputik sabalum masak banar, gasan lalapan sayuran. Bilungka rajin gasan makanan urang di mana haja di dunia, banyak banyunya, rasanya sigar. Bilungka dihiris tipis-tipis, diandak di muha, kawa gasan malicinakan pipi.
Habitus bilungka sapalihan malancar di tanah, tamasuk tanaman musiman: limbah bakambang wan babuah, mati. Rarumahan kambangnya sabutingannya (monoecious), kambang laki wan hermafrodit (banci). Kambang-nya nang panambaian (umur 4-5 minggu) biasanya laki. Kambang nang pandudian cungul biasanya bancir. Sabatang tanaman rajin hasilnya 20 bigi bilungka. Lamun ukuran buahnya handak baik, batang tanamannya musti dibatasi, jangan talalu rapat.
Warna buah '''bilungka''' hijau anum wan putih kakuning-kuningan. Lamun sudah masak, warna luar buahnya ubah jadi hijau, sampai putih kalas. Buahnya panjang nang kaya torpedo. Daging buahnya hasil mesokarp, warnanya kuning pucat sampai tarang. Buah diputik wayah masih satangah masak, sabaluman bigi dalamnya kamasakan. Buah nang kamasakan biasanya karing, biginya hirang.
This article uses material from the Wikipedia Bahasa Banjar article Bilungka, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.