Basa uma (basa asli, basa panambaian; sacara harpiah mother tongue, mother language, native language, atawa first language dalam basa Inggris) adalah basa panambaia nang dikuasai manusia matan ranak malalui hubungan lawan sasama angguta masarakat basanya, kaya kulawarga wan masarakat lingkungannya.
Kaharatan dalam basa asli liwar panting gasan parusis balajar imbahnya, marga basa uma dianggap jadi dasar cara bapikir. Kaharatan nang kurang matan basa panambaian rancak maulah parusis balajar basa lain jadi tangalih. Ulih marga ngitu basa uma baisi paran panting dalam pandidikan.
Basa uma adalah basa nang panambaian dipakai dalam kumunikasi pamulaan saikung kakanakan lawan kuitannya, wan jua manjadiakan basa uma jadi alat kumunikasi saban hari.
This article uses material from the Wikipedia Bahasa Banjar article Basa uma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.