Jariangau (ngaran lain: Dlingo, Jariangau, Jerangau, Jeringau, Kaliraga), ngaran tumbuhan nang babau harum, rahat dipakai gasan tatamba pilungsur bibinian baranak.
Lain pada gasan tatamba, urang Banjar wan Dayak mamakai Jariangau gasan aruh adat, sakira ruh jahat bajauhan, jariangau nang dipakai gasan ritual ngini akarnya diulah kangkalung, sabalumnya hudah dibacaakan mantra-mantra lawan du'a-du'a. Salain urang Dayak, urang Riau mamakai Jariangau gasan ritual jua.
?Jariangau | ||||||||||||
---|---|---|---|---|---|---|---|---|---|---|---|---|
Jariangau | ||||||||||||
Klasifikasi ilmiah | ||||||||||||
| ||||||||||||
Nama binomial | ||||||||||||
Acorus calamus L. |
Jariangan tingginya kada hingkat 1 mitir, baisian daun nang andaknya bapasangan. Daunnya bantuk tunggal, panjang lawan curing, pinggir daun rata kadada barijing, atas lawan bawah daunnya mun dijapai tarasa lambut. Tulang daun paralel atawa sajajar lawan tulang daun utama nang andaknya di intangan tangah daun.
Jariangau salihan baguna gasan upacara ritual baguna jua gasan kasihatan nang dijadiakan sabagai bahan maulah ubat hirbal, salah satunya gasan maampihakan panyakit kancing manis atawa diabetes. Jariangau kawa maningkatakan pruduksi lawan pungsi insulin dalam awak manusia.
Jariangau kawa jua dimanpat akan gasan insektisida atawa pangandali hama tatanaman. Bagian Jariangau nang dipakai yakni akarnya, sabab di bagian nang ini mangandung minyak astiri. Akar Jariangau nang handak dimanpaatakan gasan insektisida kawa diulah manjadi bantuk galapung atawa minyak. Amun handak maulah nang bantuknya galapung, akar Jariangau dihiris-hiris, dikaringakan, limbah itu ditutuk. Jariangau wayah kana ka awak hama kawa maulah hama takutan baparak, kada tapi banapsu makan, lawan hama jadi kada kawa bakambang biak lagi.
This article uses material from the Wikipedia Bahasa Banjar article Jariangau, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.