जी20
जी20 (जी-20 भा ग्रुप ऑफ ट्वेंटी, बीस के मंडली) दुनिया के बीस गो प्रमुख अर्थब्यवस्था वाली सरकार सभ के आ देसन के केंद्रीय बैंक के गवर्नर लोग के एगो अंतरराष्ट्रीय मंच (फोरम) हवे। जी20 के स्थापना 1999 में भइल। एह में 19 गो देस आ यूरोपियन यूनियन शामिल बा। यूरोपियन यूनियन के प्रतिनिधित्व यूरोपियन कमीशन आ यूरोपियन सेंट्रल बैंक करे लें। सड़मेंड़े देखल जाय तब, जी20 समूह के तहत दुनिया के 85% सकल बैस्विक उत्पाद (GWP), 80% बैस्विक ब्यापार (या, अगर ईयू के अंदरूनी ब्यापार बिलगा दिहल जाय, 75%), आ दुनिया के दू-तिहाई जनसंख्या सामिल बा।
 जी20 के सदस्य देस यूरोपियन यूनियन के सदस्य देस जिनके अलग से प्रतिनिधित्व नइखे 2016 के मेहमान देस | |
| बनल | 1999 2008 (राज्य के मुखिया लोग/सरकार के सम्मेलन प्रमुख लोग) |
|---|---|
| मकसद | बिस्व के प्रमुख बिकसित आ बिकाससील देसन के ब्यवस्थित ढंग से साथ ले आइल जवना से कि बैस्विक अर्थब्यवस्था से जुड़ल महत्वपूर्ण मुद्दा सभ पर चर्चा हो सके। |
मेंबरhip | |
Chairperson |  अंगेला मर्केल (2017) मारिसियो मार्सी (2018) |
स्टाफ | केहू ना |
| वेबसाइट | g20 |
जी20 के मकसद हवे अइसन नीति पर चर्चा कइल जेकरा से अंतरराष्ट्रीय स्तर पर फाइनेंसियल मजबूती आ स्थायित्व के आगे बढ़ावे में मदद मिले। जी20 के सदस्य देसन के मुखिया लोग समय-समय पर आपस में बैठक आ सम्मेलन कइल करे लें जेकर सुरुआत 2008 से भइल, एकरे अलावा वित्त मंत्री लोग आ सेंट्रल बैंक सभ के गवर्नर लोग के बैठक के आयोजन भी होत रहे ला।
साल 2011 में कान में भइल सम्मेलन के बाद से अब एकर सम्मलेन हर साल होला। साल 2017 में ई सम्मलेन जर्मनी के हैम्बर्ग शहर में हो रहल बा।
संदर्भ
This article uses material from the Wikipedia भोजपुरी article जी20, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.