हरनाज़ संधू
हरनाज़ कौर संधू (जनम 3 मार्च 2000) एगो भारतीय मॉडल आ ब्यूटी पैजेंट धारक बाड़ी जिनका 2021 के मिस यूनिवर्स के खिताब मिलल बा। एकरा पहिले इनके मिस दीवा 2021 क खिताब मिलल रहल आ अब ई भारत के तिसरी मॉडल बन गइल बाड़ी जिनका के मिस यूनिवर्स के खिताब मिलल होखे; लारा दत्ता के मिस यूनिवर्स बने के 21 बरिस बाद भारत के केहू प्रतियोगी के ई खिताब मिलल बाटे।
| ब्यूटी पेजेंट टाइटिल बिजेता | |
| जनम | हरनाज़ कौर संधू 3 मार्च 2000 गुरुहरसहाय, फिरोजपुर जिला, पंजाब, भारत |
|---|---|
| लंबाई | 1.75 मी (5 फुट 9 इंच) |
| बार | करिया |
| आँख | भूअर |
| टाइटिल | फ़ेमिना मिस इंडिया पंजाब 2019 मिस दीवा यूनिवर्स 2021 मिस यूनिवर्स 2021 |
| प्रमुख प्रतियोगिता | फ़ेमिना मिस इंडिया 2019 (टॉप 12) मिस दीवा यूनिवर्स 2021 (बिजेता) मिस यूनिवर्स 2021] (बिजेता) |
एकरा पहिले संधू 2019 में फ़ेमिना मिस इंडिया पंजाब के ख़िताब जितले रहली आ 2019 के फ़ेमिना मिस इंडिया प्रतियोगिता में टॉप-12 में रहली।
शुरुआती जिनगी
संधू के जनम गुरुहरसराय में एगो हरियाणवी सिख परिवार में भइल। शुरुआती पढ़ाई-लिखाई एहिजे एगो पब्लिक इस्कूल में भइल आ एकरे बाद चंडीगढ़ के गवर्नमेंट पीजी कॉलेज से भइल। वर्तमान में ई पब्लिक एडमिनिस्ट्रेशन बिसय में मास्टर डिग्री के पढ़ाई क रहल बाड़ी।
मिस यूनिवर्स 2021
मिस दीवा 2021 बने के बाद संधू के मिस यूनिवर्स 2021 प्रतियोगिता में शामिल होखे आ भारत के प्रतिनिधित्व करे के बात तय हो गइल। ई कंपटीशन 12 दिसंबर 2021 के इजराइल के एलात शहर में आयोजित भइल। संधू एह प्रयोयोगिता में जीते के बाद भारत के तिसरी अइसन मॉडल बन गइली जे मिस यूनिवर्स के खिताब जितले होखे; इनका पहिले सुष्मिता सेन 1994 में आ लारा दत्ता 2000 में ई खिताब जितले रहल लोग। एह तरीका से 21 बरिस बाद केहू भारतीय मॉडल के ई खिताब मिलल बाटे।
मिस यूनिवर्स के रूप में, संधू न्यूयॉर्क शहर में रहिहें आ साल भर कई गो अंतर्राष्ट्रीय इवेंट सभ में हिस्सा लिहें।
संदर्भ
This article uses material from the Wikipedia भोजपुरी article हरनाज़ संधू, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.