Матамба (парт.: Matamba) — гістарычная дзяржава ў Цэнтральнай Афрыцы.
Сфарміравалася меркавана ў XVI ст. Праіснавала да канца XIX ст.
Гістарычная дзяржава | |
Матамба | |
---|---|
1535 — 1891 | |
Рэлігія | каталіцызм, мясцовыя культы |
Форма кіравання | Манархія |
Медыяфайлы на Вікісховішчы |
Упершыню ўзгадваецца ў 1535 г. у лісце караля Афонсу I як тэрыторыя, падпарадкаваная Каралеўству Конга. Відавочна ў канцы XVI ст. тут была ўсталявана мясцовая дынастыя жанчын-валадарак. У 1630-ыя гг. улада перайшла да Ганны Нзінгі, што паходзіла ад нгола суседняй дзяржавы Ндонга. Яна паклала пачатак дынастыі, якая кіравала да 1767 г.
У 1756 г. у краіне пачалася грамадзянская вайна за пераемнасць улады. Матамба фактычна раскалолася на 2 варагуючыя дзяржавы. Яна была аб'яднана зноў толькі каля 1810 г.
У другой палове XIX ст. Матамба трапіла пад непасрэдны ўплыў Партугаліі і ў 1891 г. была далучана да яе заходнеафрыканскіх валоданняў.
Пачынаючы з Ганны Нзінгі, манархі Матамбы спавядалі каталіцызм. Вышэйшую ўладу маглі займаць як жанчыны, так і мужчыны. Грамадства падзялялася на некалькі саслоўяў. Да канца XIX ст. Матамба ўдзельнічала ў гандлі рабамі.
This article uses material from the Wikipedia Беларуская article Матамба, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.