Лістападныя Расліны
Лістападная расліна — у батаніцы расліна, галоўным чынам дрэва або куст, чыё лісце ападае ў пэўную пару года.
У адных выпадках гэта звязана з нізкімі тэмпературамі ў зімовы перыяд на тэрыторыях з умераным ці арктычным кліматам; у іншых ападанне адбываецца ў засушлівы сезон у рэгіёнах з сезонным рэгуляваннем ападкаў. У супрацьлегласць лістападным раслінам, ёсць так званыя вечназялёныя расліны, чыё лісце не ападае. Акрамя гэтага, ёсць расліны з прамежкавым цыклам — іх завуць паўлістападнымі.
Шматлікія лістападныя расліны цвітуць у перыяд, калі лісце на іх адсутнічае — гэта павялічвае іх прадуктыўнасць пры апыленні. Адсутнасць лісця спрашчае працэс апылення ў раслін, якія апыляюцца з дапамогай ветру, і паляпшае іх бачнасць для насякомых-апыляльнікаў. Аднак гэта стратэгія рызыкоўная, з прычыны таго, што моцныя маразы ці засуха могуць загубіць насенне.
Скідаючы лістоту, дрэвы і кусты памяншаюць сваю патрэбнасць у вільгаці — у марознае надвор'е вада замярзае. Пры адсутнасці лісця павялічваецца прадзіманасць раслін, што захоўвае іх ствалы і парасткі ад пашкоджанняў, якія выклікаюцца снежнымі штормамі.
Спасылкі
- Lemon, P. C. (1961). Forest ecology of ice storms. Bulletin of the Torrey Botanical Club 88: 21.
- Deciduous Forest Facts Архівавана 11 лістапада 2009.
- Deciduous Forest Biome
This article uses material from the Wikipedia Беларуская article Лістападныя расліны, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.