Касцістыя рыбы |
|
Навуковая класіфікацыя |
---|
прамежныя рангі Інфраклас: | Касцістыя рыбы |
|
Міжнародная навуковая назва |
---|
Teleostei |
|
Каля 40 атрадаў, 420 сямействаў, каля 20 тыс. сучасных відаў. Жывуць амаль ва ўсіх марскіх і прэсных вадаёмах. Вядомы з сярэдняга трыясу (каля 215 млн гадоў назад), з верхняга мелу (каля 80 млн гадоў назад) дамінуюць сярод рыб (больш за 90 % усіх відаў).
Апісанне
Даўжыня ад 7 мм (некаторыя бычкі) да 5 м (меч-рыба, тунцы, самы). Шкілет касцявы, пазванкі амфіцэльныя (дваякаўвагнутыя), луска касцявая — цыклоідная (гладкая) або ктэноідная (з шыпікамі), у некаторых яе няма. Брушныя плаўнікі абдамінальныя (на бруху), таракальныя (на грудзях) або югулярныя (на горле). Хваставы плаўнік звычайна гомацэркальны (раўналопасцевы). У плаўніках калючкі (у вышэйшых касцістых рыб). Плавальны пузыр (бывае недаразвіты) закрыты або праз канал можа быць звязаны са страваводам. Ёсць цыбуліна аорты, артэрыяльны конус захоўваецца толькі ў найбольш старажытных форм.
Раздзельнаполыя, некаторыя гермафрадыты (напр., марскія акуні). Апладненне звычайна вонкавае. Некаторыя касцістыя рыбы жывародныя (напр., галамянка, гамбузія). Расліннаедныя і драпежнікі, ёсць паразіты (напр., некаторыя вугры, сомікі).
Да касцістых належаць амаль усе асноўныя прамысловыя рыбы.
Гл. таксама
Зноскі
This article uses material from the Wikipedia Беларуская article Касцістыя рыбы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.