Дзмітрый Аляксандравіч Жук: беларускі журналіст

7 ліпеня 1970, Леткаўшчына, Мінская вобласць, Беларусь) — беларускі журналіст, з 2018 года галоўны рэдактар газеты «Советская Белоруссия», прапагандыст рэжыму Лукашэнкі.

Дзмітрый Аляксандравіч Жук
Асабістыя звесткі
Дата нараджэння	7 ліпеня 1970(1970-07-07) (53 гады)
Месца нараджэння	Леткаўшчына, Маяцкі сельсавет, Слуцкі раён, Мінская вобласць, БССР, СССР
Грамадзянства	Беларусь
Бацька	Алесь Жук
Альма-матар	філалагічны факультэт БДУ (1992)
Месца працы	СБ. Беларусь сегодня Беларускае тэлеграфнае агенцтва
Прафесійная дзейнасць
Род дзейнасці	журналіст, прапагандыст
Узнагароды	Ганаровая грамата Нацыянальнага сходу Рэспублікі Беларусь Выдатнік друку Беларусі[d] Ганаровая грамата Савета Міністраў Рэспублікі Беларусь (25 ліпеня 2018)

Сын беларускага пісьменніка Алеся Жука.

У 1992 годзе скончыў філалагічны факультэт БДУ па спецыяльнасці — выкладчык беларускай і рускай моў і літаратуры. У 1992—1993 гадах працаваў выкладчыкам беларускай мовы і літаратуры ў школе-гімназіі ў Мінску. З 1993 па 1997 гады працаваў у выдавецка-інфармацыйным цэнтры Нацыянальнага банка Беларусі. У 1997—1999 гадах працаваў у прадстаўніцтве расійскага інфармацыйнага агенцтва «Интерфакс» у Беларусі. У лістападзе 1999 года прызначаны кіраўніком прэс-службы Прэзідэнта Рэспублікі Беларусь Аляксандра Лукашэнкі. З 2003 па 2018 гады займаў пасаду дырэктара РУП «Беларускае тэлеграфнае агенцтва».

У лютым 2018 года прызначаны галоўным рэдактарам газеты «Советская Белоруссия» і стаў дырэктарам выдавецкага дома «Беларусь сегодня». Таксама Жук сакратар Беларускага саюза журналістаў, у снежні 2021 года ўключаны ў «Рэспубліканскі міжведамасны каардынацыйны савет па патрыятычным выхаванні насельніцтва Рэспублікі Беларусь».

У час кіраўніцтва Жука газета канчаткова ператварылася ў рупар агрэсіўнай праўладнай прапаганды, дзе з 2020 года значнае месца займаюць расійскія наратывы. Назіральнікі не раз выказвалі сумневы ў дастатковай кваліфікацыі Жука, тым не менш у 2024 годзе на сесіі Мінскага гарадскога савета ён аднагалосна абраны ў Савет Рэспублікі.

У 2011 годзе разам з іншымі ўплывовымі супрацоўнікамі і кіраўнікамі дзяржаўных СМІ Беларусі быў ўключаны ў Чорны спіс Еўрасаюза ў сувязі з хваляй рэпрэсій пасля прэзідэнцкіх выбараў 2010 года. Дзмітрыю Жуку быў забаронены ўезд на тэрыторыю краін ЕС, а актывы падлягалі замарожванню. Паводле Еўрапейскага савета Дзмітрый Жук: «нясе адказнасць за перадачу медыямі дзяржаўнай прапаганды, якая падтрымлівала і апраўдвала рэпрэсіі супраць дэмакратычнай апазіцыі і грамадзянскай супольнасці 19 снежня 2010 г., выкарыстоўваючы сфальсыфіцыраваную інфармацыю». У 2016 годзе забарона была знята.

20 лістапада 2020 года ўнесены ў санкцыйныя спісы Літвы, Латвіі і Эстоніі.

• Лаўрэат спецыяльнай прэміі Прэзідэнта Рэспублікі Беларусь;
• медаль «За працоўныя заслугі»;
• Ганаровая грамата Нацыянальнага сходу Рэспублікі Беларусь;
• нагрудны знак «Выдатнік друку Беларусі»,
• Ганаровая грамата Савета Міністраў Рэспублікі Беларусь (2018).