1556—1600 Юрый Радзівіл: (1556—1600) біскуп віленскі і кракаўскі

Лукішкі, цяпер у межах Вільні — 21 студзеня 1600, Рым), царкоўны і дзяржаўны дзеяч Рэчы Паспалітай. Біскуп віленскі (1579—1591) і кракаўскі (з 1591), кардынал (1583).

Юрый Радзівіл
польск.: Jerzy Radziwiłł
Трубы
кардынал з 12 снежня 1583
біскуп віленскі з 31 снежня 1579
Дыяцэзія	Віленскае біскупства
Папярэднік	Валяр’ян Пратасевіч-Шышкоўскі
Пераемнік	Бенедыкт Война
біскуп кракаўскі[d] з 9 жніўня 1591
Дыяцэзія	Кракаўская дыяцэзія[d]
Папярэднік	Пётр Мышкоўскі[d]
Пераемнік	Бернард Мацяёўскі[d]
Дзейнасць	дыпламат, каталіцкі святар, каталіцкі біскуп
Нараджэнне	31 мая 1556 Лукішкі[d], Віленскі павет, Віленскае ваяводства, Вялікае Княства Літоўскае або Вільня, Віленскае ваяводства, Вялікае Княства Літоўскае
Смерць	21 студзеня 1600(1600-01-21) (43 гады) Рым, Папская вобласць
Пахаванне	Іль-Джэзу
Дынастыя	Радзівілы
Бацька	Мікалай Радзівіл Чорны
Маці	Альжбета Шыдлавецкая
Медыяфайлы на Вікісховішчы

Паходзіў з магнацкага роду Радзівілаў герба «Трубы», сын Мікалая Чорнага, канцлера вялікага літоўскага, і Альжбеты з Шыдлавецкіх. Меў братоў Мікалая, Альбрэхта, Станіслава.

Вучыўся ў Лейпцыгскім універсітэце (да 1572); вывучаў філасофію і тэалогію ў Рымскім калегіуме (1575—1576). У дзяцінстве выхоўваўся ў кальвінісцкім духу, у 1576 перайшоў у каталіцызм. Пры фармальным акце пераходу прысутнічаў Пётр Скарга.

Каад’ютар (памочнік-намеснік) біскупа Валерыяна Пратасевіча (1574—1579). З 1579 года біскуп віленскі, атрымаў званне кардынала (1583). Актыўна змагаўся супраць Рэфармацыі, у 1581 упершыню ўвёў у сваёй дыяцэзіі цэнзуру друку, у 1582 на ўласныя сродкі адкрыў каталіцкую духоўную семінарыю ў Вільні.

У 1581 годзе падвергся вострай крытыцы з боку караля і вялікага князя Стэфана Баторыя за канфіскацыю і спаленне пратэстанскіх кніг.

У 1582—1584 адначасова намеснік караля (губернатар) у Інфлянтах, але гэтая пасада была яму ў цяжар.

Пасля смерці Стэфана Баторыя на элекцыйным сойме 1587 падтрымліваў прадстаўніка аўстрыйскай дынастыі Габсбургаў Максіміліяна, але абраны быў Жыгімонт III Ваза. Пасля збліжэння Жыгімонта III у 1589 з Габсбургамі ўплыў Юрыя Радзівіла пры двары зноў вырас. 3 1591 года — біскуп кракаўскі. Спрыяў шлюбу Жыгімонта III з эрцгерцагіняй з дома Габсбургаў Ганнай (1592). Адзін з бліжэйшых дарадчыкаў караля, у 1596—1597 вёў перагаворы пра далучэнне Рэчы Паспалітай да антытурэцкай каталіцкай лігі.