Экю
Еўрапейская грашовая адзінка, ЭКЮ (англ.: European Currency Unit, ECU) — складаная разліковая грашовая адзінка краін-удзельніц Ерапейскай супольнасці, уведзеная ў дзеянне 13 сакавіка 1979 года.
1 студзеня 1999 года на змену ЭКЮ прыйшла грашовая адзінка ЕС — еўра.
Гісторыя
Да ўвядзення ЭКЮ ў разліках выкарыстоўвалася Еўрапейская адзінка разліку, курс якой таксама быў роўны аднаму ЭКЮ. Мінімізацыя ваганняў курсаў нацыянальных валют і ЭКЮ забяспечвалася механізмам валютных курсаў ERM. ЭКЮ таксама выкарыстоўваўся ў некаторых міжнародных фінансавых трансакцыях.
Абарачэнне
ЭКЮ мела код XEU паводле ISO 4217. Існавала толькі ў безнаяўных разліках, манеты выпускаліся толькі ў некаторых краінах для прыватнага сектару.
Суадносіны ЭКЮ да валют іншых краін вызначаліся сыходзячы з таго, што ЭКЮ служыла абагульненым прадстаўніком кошыку валют краінаў ЕЭС.
1 студзеня 1999 ЭКЮ быў заменены на еўра ў суадносінах 1 € = 1 ₠. У адрозненне ад ЭКЮ еўра — сапраўдная валюта.
Сімвал
Сімвал валюты, ₠ (U+20A0), спалучае накладзеныя C і E, якія з'яўляюцца пачатковы літарамі фразы «Еўрапейская супольнасць» на шматлікіх еўрапейскіх мовах. Аднак гэты сімвал не атрымаў шырокага распаўсюджання, бо мог адлюстроўвацца толькі некаторымі тагачаснымі сістэмамі, таксама банкі пераважна (як і з усімі іншымі валютамі) ўжывалі код XEU паводле ISO.
Курс, вызначаны паводле кошыка валют
| Валюта | 13.03.1979— 16.09.1984 | 17.09.1984— 21.09.1989 | 21.09.1989— 31.12.1998 |
|---|---|---|---|
| Бельгійскі франк | 9,64 % | 8,57 % | 8,183 % |
| Нямецкая марка | 32,98 % | 32,08 % | 31,955 % |
| Дацкая крона | 3,06 % | 2,69 % | 2,653 % |
| Іспанская песета | — | — | 4,138 % |
| Французскі франк | 19,83 % | 19,06 % | 20,316 % |
| Фунт стэрлінгаў | 13,34 % | 14,98 % | 12,452 % |
| Грэчаская драхма | — | 1,31 % | 0,437 % |
| Ірландскі фунт | 1,15 % | 1,20 % | 1,086 % |
| Італьянская ліра | 9,49 % | 9,98 % | 7,840 % |
| Люксембургскі франк | — | — | 0,322 % |
| Нідэрландскі гульдэн | 10,51 % | 10,13 % | 9,98 % |
| Партугальскі эскуда | — | — | 0,695 % |
Зноскі
Спасылкі
This article uses material from the Wikipedia Беларуская article ЭКЮ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.