Таранэ Алідусты (перс.
ترانه علیدوستی; нар. 12 студзеня 1984 года, Тэгеран, Іран) — іранская актрыса.
Таранэ Алідусты | |
---|---|
перс.: ترانه علیدوستی | |
Род дзейнасці | акцёрка, перакладчыца, кінаактрыса |
Дата нараджэння | 12 студзеня 1984 (40 гадоў) |
Месца нараджэння | |
Грамадзянства | |
Бацька | Hamid Alidousti[d] |
Маці | Nadereh Hakim-Elahi[d] |
Узнагароды і прэміі | |
Медыяфайлы на Вікісховішчы |
Нарадзілася ў сям’і Хаміда Алідусты, гульца футбольнай зборнай Ірана, а яе маці была скульптарам. У кінематографе дэбютавала ва ўзросце 17 гадоў, сыграўшы галоўную ролю ў фільме Расула Садр Амелі «Я — Таранэ, мне 15 гадоў». Гэтая праца прынесла ёй Бронзавага леапарда як лепшай актрысе на кінафестывалі ў Лакарна, а таксама Крыштальнага сімурга як лепшай актрысе на кінафестывалі Фаджр, што зрабіла яе самай юнай уладальніцай гэтай прэміі. Таране Алідусці актыўна супрацоўнічае з выдатным іранскім рэжысёрам Асгарам Фархадзі, зняўшыся ў цэлым шэрагу яго карцін: «Цудоўны горад», «Асяроддзе феерверкаў», «Аб Элі» і «Каміваяжор». За ролю ў апошнім яна прэтэндавала на званне найлепшай актрысы ў асноўным конкурсе Канскага кінафестывалю 2016 года. З’явілася яна таксама і ў фільме класіка іранскага кінематографа Абаса Кіярастамі, сыграўшы адну з больш чым сотні глядачак у кіназале ў фільме 2008 года «Шырын». Свае здымкі ў кіно Таранэ Алідусты сумяшчае з ролямі ў тэатры. У 2017 годзе адмовілася прысутнічаць на цырымоніі кінапрэміі «Оскар», выказаўшы такім чынам пратэст у адрас палітыкі Д. Трампа.
Таранэ Алідусты затрымалі ў снежні 2022 г. пасля публікацыі ў Інстаграме, прысвечанай пакаранню аднаго з удзельнікаў пратэстаў пасля смерці Махсы Аміні. Алідусты крытыкавала ў ёй міжнародныя арганізацыі за тое, што яны не рэагуюць на дзеянні ўлад Ірана. Праз 3 тыдні была вызвалена пад залог.
This article uses material from the Wikipedia Беларуская article Таранэ Алідусты, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.