Сяргей Яўгенавіч Рассадзін

Скончыў у 1981 годзе гісторыка-філалагічны факультэт Гомельскага дзяржаўнага ўніверсітэта (гісторык, выкладчык гісторыі і грамадазнаўства). У 1981—1984 гадах навучаўся ў аспірантуры Інстытута гісторыі Акадэміі навук (АН) БССР. На фарміраванне гістарычнага светапогляду найбольшы ўплыў аказалі Х. Артэга-і-Гасет, Л. Н. Гумілёў, Э. М. Загарульскі, Г. Косіна, А. Р. Мітрафанаў, В. І. Сычоў.

У 1990 годзе абараніў кандыдацкую дысертацыю «Мілаградская культура (актуальныя праблемы даследавання)», навуковы кіраўнік — прафесар Л. Д. Побаль. У 1999 годзе абараніў доктарскую дысертацыю «Плямёны і народы „заскіфскай“ Поўначы і Паўночнага Усходу». Дацэнт (2005). Прафесар (2009). Малодшы навуковы супрацоўнік, навуковы супрацоўнік, старшы навуковы супрацоўнік Інстытута гісторыі АН БССР; галоўны спецыяліст, начальнік аддзела Камітэта па архівах і справаводстве пры Савеце Міністраў Рэспублікі Беларусь.

З 2002 года — прафесар кафедры гісторыі Беларусі і паліталогіі факультэта інфармацыйных тэхналогій Беларускага дзяржаўнага тэхналагічнага ўніверсітэта.

У 2002—2012 гадах член Геральдычнага савета пры Прэзідэнце Рэспублікі Беларусь.

Стыпендыят Германскага археалагічнага інстытута (2007).

Навуковыя інтарэсы: археалогія; старажытная, сярэдневяковая, новая гісторыя; геральдыка. Арганізаваў і ўзначальваў Лаўрышаўскія археалагічныя экспедыцыі. Аўтар больш чым 300 прац.

Кнігі

• Землі амаль невядомыя: Будучая Беларусь паводле антычных манускрыптаў. — Мн.: Полымя, 1996. — ISBN 5-345-00758-6
• Племена и народы «заскифского» Северо-Востока. Мн., 1999. (руск.)
• Северные соседи Великой Скифии. Мн., 2005. (руск.)
• Милоградская культура: ареал, хронология, этнос. Мн., 2005. (руск.)
• Гербы і сцягі гарадоў і раёнаў Беларусі. Мн., 2005. (У суаўтарстве з А. Н. Міхальчанкам).
• Духоўная культура старажытнай Беларусі. Мн., 2005.
• Первые славяне. Славяногенез. Мн., 2008. (руск.)
• Гнездо двуглавого орла. Мн., 2008. (руск.)
• Князья, графы и бароны в Беларуси (конец XVIII — начало XX в.): история титулов в биографо-личностном аспекте. Мн., 2010. ISBN 978-985-511-336-3. (руск.)

Артыкулы

Артыкулы ў слоўніках, даведніках і энцыклапедыях

• Леніна / С. Я. Рассадзін // Археалогія Беларусі: энцыклапедыя: у 2 т. / [склад. Ю. У. Каласоўскі; рэдкал.: Т. У. Бялова (гал. рэд.) і інш.]. Т. 2: Л — Я. — Мн.: Беларуская Энцыклапедыя, 2009. — 492, [1] c. — С. 12. — ISBN 978-985-11-0354-2.

• Медаль ордэна свяціцеля Кірыла Тураўскага (Беларуская праваслаўная царква) (2007).
• Медаль Францыска Скарыны (20 чэрвеня 2017).