Патсдамская канферэнцыя адбылася ў Патсдаме ў палацы Цэцыліенхоф з 17 ліпеня па 2 жніўня 1945 г.
з удзелам кіраўнікоў трох найбуйнейшых дзяржаў антыгітлераўскай кааліцыі ў Другой сусветнай вайне з мэтай вызначыць далейшыя крокі па пасляваеннага ўладкавання Еўропы.
Гэта была трэцяя і апошняя сустрэча «вялікай тройкі» антыгітлераўскай кааліцыі. Першыя дзве адбыліся ў канцы 1943 года ў Тэгеране (Іран) і ў пачатку 1945 года ў Ялце (Савецкі Саюз).
У канферэнцыі ўдзельнічалі кіраўнікі ўрадаў трох дзяржаў — прэзідэнт ЗША Гары Трумэн (старшыняваў на ўсіх пасяджэннях), старшыня Савета Народных Камісараў СССР і старшыня Дзяржаўнага Камітэта Абароны СССР І. В. Сталін і прэм’ер-міністр Вялікабрытаніі Уінстан Чэрчыль (падчас канферэнцыі пацярпеў паразу на выбарах, і ў Патсдам прыбыў яго пераемнік Клемент Этлі).
36 з 176 памяшканняў палаца былі адведзены для правядзення канферэнцыі. Дэлегацыі размяшчаліся не ў Цэцыліенхофе, а на вілах у Патсдамскім раёне Бабельсберг — савецкая дэлегацыя размясцілася на віле, якая раней належала генералу Людэндорфу. Рабочым пакоем амерыканцаў служыў былы салон кронпрынца, былы кабінет кронпрынца служыў рабочым пакоем савецкай дэлегацыі.
Зараз у палацы Цэцыліенхоф размешчаны гасцініца і рэстаран, а таксама мемарыяльны музей Патсдамскай канферэнцыі.
This article uses material from the Wikipedia Беларуская article Патсдамская канферэнцыя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.