Пальма-Дэ-Мальёрка: горад у Іспаніі

У 2009 годзе насельніцтва горада складала 401 270 жыхароў, а разам з прыгарадамі — 474 035 жыхароў.

Горад Пальма-дэ-Малёрка ісп.: Palma de Mallorca Герб[d] Сцяг Краіна  Іспанія Каардынаты HGЯO Кіраўнік Jaime Martínez Llabrés[d] Першая згадка 123 до н. э. Плошча 213,55 км² Вышыня цэнтра 13 м Водныя аб’екты Міжземнае мора Насельніцтва 401 270 чалавек (2009) Шчыльнасць 1756,25 чал./км² Часавы пояс UTC+1, летам UTC+2 Тэлефонны код (+34) 971 Паштовыя індэксы 070XX Афіцыйны сайт a-palma.es (ісп.) Пальма-дэ-Малёрка на карце Іспаніі

Медыяфайлы на Вікісховішчы

Заснаванне горада адносіцца да рымскага заваявання Балеарскіх астравоў. У 123 годзе да н.э. Квінт Цэцылій Метэл, які пазней атрымаў мянушку Балеарскі, абвінаваціў жыхароў астравоў у дапамозе піратам і заваяваў архіпелаг. Ён жа заклаў Пальму. Горад быў перавалачным портам і ў адміністрацыйным дачыненні ўваходзіў у правінцыю Тараконская Іспанія.

З 902 года горад знаходзіўся пад уладай арабаў. 31 снежня 1229 года горад быў узяты войскамі арагонскага караля Хаймэ Заваёўніка. У 1231—1349 гадах Пальма ўваходзіла ў склад звязанага з Арагонам каралеўства Мальёрка, сталіцай быў размешчаны на кантыненце горад Перпіньян.

У XVI стагоддзі Пальма неаднаразова падвяргалася налётам міжземнаморскіх піратаў, што адмоўна адбілася на развіцці гандлю. Новы ўздым назіраўся пасля таго, як у XVIII стагоддзі былі зняты абмежаванні на гандаль з амерыканскімі калоніямі. У 1833 годзе Пальма стала цэнтрам правінцыі Балеарскія астравы.

Турыстычны бум 1960-х гадоў ператварыў Мальёрку ў адзін з самых развітых міжземнаморскіх цэнтраў турызму. Члены іспанскай каралеўскай сям'і праводзяць канікулы ў Марывенцкім палацы, які размяшчаецца недалёка ад Пальмы.

• Абрахам Крэскас
• Жаан Алькавер

• Метрапалітэн Пальма-дэ-Малёркі
• Антоніа Марыя Альковер і Сурэда

•   На Вікісховішчы ёсць медыяфайлы па тэме Пальма-дэ-Мальёрка
• Афіцыйны сайт Архівавана 25 кастрычніка 2013.