Ліфт
Ліфт (ад англійскага дзеяслова lift — падымаць) — від транспарту, які выкарыстоўваецца для вертыкальнага перасоўвання.
Гісторыя
Упершыню пра ліфт пісаў рымскі архітэктар Вітрувій, ён спасылаўся на Архімеда, які пабудаваў пад’ёмны апарат, імаверна, яшчэ ў 236 годзе да н.э.
Больш познія згадкі пра ліфты датаваны сярэдзінай VI стагоддзя (ліфты Манастыра Святой Кацярыны ў Егіпце), першай чвэрцю XVIII стагоддзя (у Францыі) і XVII стагоддзем (ліфт Віндзарскага замка ў Вялікабрытаніі, «Лятальнае крэсла» Велаера ў адным з парыжскіх палацаў).
У 1854 годзе Э. Г. Оціс на выстаўцы ў Нью-Ёрку прадэманстраваў сваю прыладу бяспекі — лоўнікі.
Першы пасажырскі ліфт быў усталяваны ў Нью-Ёрку ў 1857 годзе. Прылада бяспекі Оціса ў спалучэнні з выкарыстаннем сталёвых каркасаў будынкаў далі магчымасць будаваць хмарачосы.
У 1878 годзе быў вынайдзены абмежавальнік хуткасці, які дазволіў задзейнічаць лоўнікі пры перавышэнні намінальнай хуткасці.
У 2007 годзе кампанія KONE распрацавала ліфт MaxiSpace, які не патрабуе не толькі машыннага памяшкання, але і процівагі.
У 2017 годзе кампанія ThyssenKrupp распрацавала першы ў свеце бесканатны ліфт Multi.
Літаратура
- Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).
This article uses material from the Wikipedia Беларуская article Ліфт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.