Джэрдан Шакіры: швейцарскі футбаліст

Джэрдан Шакіры
Джэрдан Шакіры
Агульная інфармацыя
Нарадзіўся	10 кастрычніка 1991 (32 гады); Гнілане[d], абшчына Гнілане[d], Косаўска-Помараўская акруга[d], Аўтаномны край Косава і Метохія, Рэспубліка Сербія[d], СФРЮ;
Грамадзянства	Швейцарыя
Рост	169 см
Вага	73 кг
Пазіцыя	паўабаронца
Інфармацыя пра клуб
Клуб	Чыкага Файр
Нумар	10
Маладзёжныя клубы
1999—2001	Аўгст
2001—2009	Базель
Клубная кар’ера
Нацыянальная зборная
	Медыяфайлы на Вікісховішчы

10 кастрычніка 1991, Гнілане, СФРЮ) — швейцарскі футбаліст албанскага паходжання, атакуючы паўабаронца амерыканскага клуба «Чыкага Файр» і нацыянальнай зборнай Швейцарыі.

Клубная кар’ера

«Базель»

Джэрдан выступаў за юнацкія каманды клуба «Базель», пасля чаго гуляў за рэзервовую каманду клуба. У 2009 годзе падпісаў з клубам прафесійны кантракт. Дэбютаваў за «Базель» 12 ліпеня 2009 года ў першым матчы сезона, выйшаўшы на поле ў гульні супраць клуба «Санкт-Гален». 9 лістапада ігрок забіў свой першы гол за клуб у хатнім пераможным матчы супраць «Ксамакса», дзе каманда з Базеля была мацней з лікам 4:1. Разам з клубам атрымаў шэраг тытулаў.

«Баварыя»

9 лютага 2012 года «Базель» абвясціў пра набыццё іграка нямецкім клубам «Баварыяй». Кошт трансферу, як паведамлялася, склаў 11,6 млн еўра, а сам ігрок падпісаў кантракт з мюнхенскім клубам да 30 чэрвеня 2016 года.

«Інтэр»

9 студзеня 2015 года Шакіры перайшоў у склад італьянскага «Інтэра», з якім падпісаў кантракт на 4,5 гады. Акрамя італьянскага гранда іграком цікавіўся англійскі «Сток Сіці».

«Сток Сіці»

11 жніўня 2015 года Шакіры перайшоў у «Сток Сіці», падпісаўшы пяцігадовы кантракт. Сума трансферу склала рэкордныя для клуба 12 млн фунтаў стэрлінгаў. У сваім першым сезоне за «Сток Сіці» Джэрдан правёў 27 матчаў і забіў тры галы. Яго першы выхад на поле ў складзе «Сток Сіці» адбыўся 22 жніўня 2015 года ў матчы супраць «Норвіч Сіці».

«Ліверпул»

13 ліпеня 2018 года «Ліверпул» падпісаў з Шакіры пяцігадовы кантракт, выплаціўшы «Сток Сіці» 13 млн фунтаў стэрлінгаў згодна з опцыяй выкупу. 27 кастрычніка 2018 года ў матчы 10-га тура англійскай Прэм’ер-лігі, у якім «Ліверпул» перамог «Кардыф Сіці» з лікам 4:1, Шакіры забіў свой першы гол за «чырвоных». 1 чэрвеня 2019 года ў складзе «Ліверпула» Шакіры стаў пераможцам Лігі чэмпіёнаў.

«Алімпік Ліён»

23 жніўня 2021 года Шакіры перайшоў у французскі «Алімпік Ліён» за 6 млн еўра (5 млн фунтаў стэрлінгаў), падпісаўшы трохгадовы кантракт.

«Чыкага Файр»

9 лютага 2022 года Шакіры перайшоў у клуб MLS «Чыкага Файр», падпісаўшы кантракт у якасці прызначанага іграка да канца сезона 2024. Стаўшы найдаражэйшым у гісторыі клуба, трансфер паводле звестак прэсы абыйшоўся ў 7,5 млн долараў. У амерыканскай лізе ён дэбютаваў 26 лютага ў матчы стартавага тура сезона 2022 супраць «Інтэр Маямі». 19 сакавіка ў матчы супраць «Спортынг Канзас-Сіці» забіў свой першы гол у MLS, рэалізаваўшы пенальці.

Міжнародная кар’ера

Выступаў за моладзевую зборную Швейцарыі. У 2010 годзе быў запрошаны ў асноўную зборную краіны, дэбютаваў 3 сакавіка 2010 года ў таварыскім матчы супраць зборнай Уругвая, які скончыўся паражэннем швейцарцаў з лікам 1:3.

Дасягненні

«Базель»:

Чэмпіён Швейцарыі: 2009, 2011, 2012
Уладальнік Кубка Швейцарыі: 2010, 2012

«Баварыя»:

Чэмпіён Германіі: 2013, 2014
Уладальнік Кубка Германіі: 2013, 2014
Уладальнік Суперкубка Германіі: 2012
Пераможца Лігі чэмпіёнаў: 2013
Уладальнік Суперкубка УЕФА: 2013

«Ліверпул»:

Чэмпіён Англіі: 2020
Пераможца Лігі чэмпіёнаў: 2019
Уладальнік Суперкубка УЕФА: 2019
Пераможца клубнага чэмпіянату свету: 2019

Зноскі

↑ Xherdan Shaqiri // As — Madrid: Grupo Prisa, 1967. — ISSN 1888-6671

↑ St. Gallen 2 — Basel 0. Fcb.ch.

↑ Basel 4 — Xamax 1. Fcb.ch

↑ Bayern snap up Shaqiri. ESPN.

↑ Xherdan Shaqiri: Inter Milan sign Bayern Munich winger. BBC Sport

↑ Xherdan Shaqiri: Bayern Munich winger interests Stoke City. BBC Sport