Гары Белафонтэ (англ.: Harry Belafonte), поўнае імя Гаральд Джордж Беланфанці малодшы (англ.: Harold George Bellanfanti Jr.; 1 сакавіка 1927, Манхэтэн, Нью-Ёрк, ЗША — 25 красавіка 2023, Манхэтэн, Нью-Ёрк) — амерыканскі спявак, акцёр і грамадскі актывіст, празваны каралём музыкі каліпса.
Яго альбом «Calypso» (1956) на працягу 31 тыдня ўтрымліваў першы радок у Billboard 200 і першым у гісторыі разышоўся тыражом звыш мільёна асобнікаў.
Белафонтэ атрымаў тры прэміі «Грэмі» (уключаючы «Грэмі» за прыжыццёвыя дасягненні), прэмію «Эмі» і прэмію «Тоні». У 1989 годзе ён атрымаў прэмію Кенэдзі-цэнтра. Ён таксама быў узнагароджаны Нацыянальным медалём у галіне мастацтваў у 1994 годзе. У 2014 годзе Белафонтэ быў адзначаны прэміяй імя Джына Хершолта, што зрабіла яго дваццатым чалавекам, які атрымаў «Оскар», «Эмі», «Грэмі» і «Тоні», і пятым без канкурэнтных катэгорый.
This article uses material from the Wikipedia Беларуская article Гары Белафонтэ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.