Ігар Пятровіч Тур: беларускі журналіст

26 сакавіка 1989, Гродна) — беларускі журналіст, прапагандыст рэжыму Лукашэнкі.

Ігар Пятровіч Тур
Род дзейнасці	журналіст
Дата нараджэння	26 сакавіка 1989(1989-03-26) (35 гадоў)
Месца нараджэння	Гродна, Гродзенская вобласць, БССР, СССР
Грамадзянства	Беларусь
Месца працы	Першы Нацыянальны канал Беларускага радыё Радыё Бі-Эй Агульнанацыянальнае тэлебачанне
Альма-матар	факультэт журналістыкі БДУ
Узнагароды і прэміі	Тэлевяршыня (2017)

Вырас у пасёлку Першамайскі Лідскага раёна. Скончыў Інстытут журналістыкі БДУ. Працаваў на Беларускім радыё і радыё «Бі-Эй». З 2014 года працуе на тэлеканале «АНТ». Асвятляў падзеі з удзелам Аляксандра Лукашэнкі.

Тур знаходзіцца пад санкцыямі Канады, ЕС (гл. Чорны спіс Еўрасаюза), Швейцарыі і Украіны.

Здымаў сюжэты з ачарненнем дэмакратычнай апазіцыі. Пасля масавых пратэстаў у 2020 годзе, якія суправаджаліся арыштамі, катаваннямі і забойствамі пратэстоўцаў, а таксама звальнення шматлікіх супрацоўнікаў тэлебачання, нязгодных з інфармацыйнай палітыкай рэжыму Лукашэнкі, стаў адной з цэнтральных фігур прапаганды ў Беларусі. Дэманстраваў у перадачах матэрыялы тэлефоннай праслушкі незразумелага паходжання.

Бацька — інжынер-энергетык, маці — дырэктар Палаца культуры Ліды.

Пераможца XIII нацыянальнага конкурсу «Тэлевяршыня» ў намінацыі «Найлепшы рэпарцёр» (2017).

11 студзеня 2021 года Аляксандр Лукашэнка ўзнагародзіў Тура Медалём Францыска Скарыны «за прафесіяналізм і асабісты ўклад у развіццё дзяржаўнай інфармацыйнай палітыкі і нацыянальнай журналістыкі». Разам з ім розныя ўзнагароды таксама атрымалі прапагандысты Рыгор Азаронак, Андрэй Мукавозчык і іншыя.