Усходняя Тра́кія (па-турэцку: Doğu Trakya, па-грэцку: Ανατολική Θράκη, па-баўгарску: Източна Тракия) — гістарычны рэгіён, які ўваходзіць у склад Турэччыны, і геаграфічна ёсьць часткай Паўднёва-Ўсходняй Эўропы.
Таксама рэгіён вядомы як Турэцкая Тракія альбо Эўрапейская Турэччына. На долю рэгіёну прыпадае 3% плошчы сушы Турэччыны, але доля насельніцтва складае 14% усяго насельніцтва краіны. Астатняя частка краіны знаходзіцца на Анаталійскім паўвостраве, які геаграфічна месьціцца ў Заходняй Азіі. Самым вялікім горадам рэгіёну зьяўляецца Стамбул, які месьціцца па берагах праліва Басфор, то бок паміж Эўропай і Азіяй.
Усходняя Тракія мае гістарычнае значэньне, бо знаходзіцца побач з буйным марскім гандлёвым калідорам і ўяўляе сабой рэшткі некалі велізарнага асманскага рэгіёну Румэлія. У цяперашні час гэта таксама мае пэўнае геастратэгічнае значэньне, паколькі марскі калідор, які ўключае ў сябе два вузкіх пралівы, забясьпечвае доступ да Міжземнага мора ад Чорнага мора для суднаў пяці краінаў, як то Расеі, Украіны, Румыніі, Баўгарыі і Грузіі.
This article uses material from the Wikipedia Беларуская (тарашкевіца) article Усходняя Тракія, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.