Кампазытар Уладзімер Карызна: беларускі кампазытар

30 верасьня 1962, мястэчка Опса Браслаўскага раёну Віцебскай вобласьці БССР) — беларускі кампазытар.

Вікіпэдыя мае артыкулы пра іншых асобаў з прозьвішчам Карызна.

Пасьля школы скончыў музычную вучэльню, служыў у войску.

У 1990 року скончыў Беларускую дзяржаўную кансэрваторыю па спэцыяльнасьці „кампазыцыя“ прафэсара Яўгена Глебава. Сябра Беларускага саюзу кампазытараў (1991).

Працаваў на Беларускім тэлебачаньні (1995—1997), кінастудыі „Беларусьфільм“ (1998—1999). З 2005 року працуе мастацкім кіраўніком творчага аб’яднаньня „Прэм’ера“ Вышэйшага дзяржаўнага коледжу сувязі.

Працуе ў розных музычных жанрах. Напісаў харавыя цыклі на вершы Максіма Багдановіча і Ўладзімера Карызны-старэйшага, сымфанічныя паэмы, інструмэнтальныя і эстрадныя п’есы, апрацоўкі беларускіх народных песьняў, творы для дзяцей, песьні.

• Ляўрэат рэспубліканскіх конкурсаў патрыятычнай песьні 1989, 1990 рр.
• II прэмія і ганаровы прыз Фэдэрацыі прафсаюзаў беларускай на II рэспубліканскім конкурсе вайскова-патрыятычнай песьні 1995 року.
• Пераможца рэспубліканскага конкурсу песьняў, прысьвечаных гораду Менску (1999)
• Аўтар песьні-пераможцы на Ўсерасейскім конкурсе салдацкай песьні ў намінацыі „Песьні сучасных аўтараў“ (2002)
• Уладальнік дыплёму і спэцпрызу „Найлепшая песьня X Рэспубліканскага конкурсу маладых эстрадных выканаўцаў «Белазаўскі акорд»“ (2011)
• Граматы Міністэрства сувязі й інфарматызацыі Беларусі

Жанаты, жонка Сьвятлана — піяністка. Старэйшая дачка Настасься — скрыпачка, сын Іван — віялянчэліст, .

• Жыцьцяпіс на бачыне Беларускага саюзу кампазытараў
• Жыцьцяпіс на бачыне Беларускай дзяржаўнай філярмоніі
• Творы Ўладзімера Карызны(недаступная спасылка) ў электронным каталёгу Нацыянальнай бібліятэкі Беларусі