Пітэр Джон Мэё (па-ангельску: Peter John Mayo; 16 лютага 1944, Лёндан — 1 студзеня 2004) — ангельскі мовазнавец-славіст і папулярызатар беларусістыкі ў Вялікабрытаніі.
Пітэр Джон Мэё | |
Peter John Mayo | |
Род дзейнасьці | Ангельскі славіст |
---|---|
Дата нараджэньня | 16 лютага 1944 |
Месца нараджэньня | Лёндан, Вялікабрытанія |
Дата сьмерці | 1 студзеня 2004 |
Месца вучобы | Бірмінггэмскі ўнівэрсытэт |
Занятак | мовазнавец, славіст |
Навуковая сфэра | беларуская і расейская мовы |
Месца працы | Шэфілдзкі ўнівэрсытэт, Унівэрсытэт Экзэтэра |
Мэё нарадзіўся ў Лёндане. Скончыў Бірмінггэмскі ўнівэрсытэт у 1966 годзе.
У 1969-97 гадах працаваў выкладчыкам Шэфілдзкага ўнівэрсытэту, а з 1998 году — унівэрсытэту г. Экзэтэр. Сябра Брытанскай унівэрсытэцкай асацыяцыі славістаў (у 1978-80 г.г. — яе сакратар).
У 1982 годзе абараніў доктарскую дысэртацыю па філялёгіі.
Мэё дасьледаваў лексыкаграфію, марфалёгію і сынтаксіс беларускай і расейскай моваў. Аўтар «Граматыкі беларускай мовы» (A Grammar of Byelorussian. — Sheffield, 1976), разьдзела «Беларуская мова» у калектыўнай манаграфіі «Славянскія мовы» (The Slavonic Languages. — London,1993), шматлікіх артыкулаў па беларускай і славяназнаўчай тэматыцы. Аўтар рэцэнзій на беларускія мовазнаўчыя дасьледаваньні, падручнікі, слоўнікі.
У 1979-88 г.г. Мэё быў рэдактарам «The Journal of Byelorussian Studies» («Часопіс беларускіх дасьледаваньняў»), з 1989 — славянскага аддзела рэфэратыўнага бібліяграфічнага даведніка «Modern Languages Studies» («Сучасныя лінгвістычныя дасьледаваньні»). Займаўся падрыхтоўкай ангельска-беларускага слоўніка, варыянт якога выйшаў у Менску ў 1995 г. пад назвай «Кішэнны англійска-беларуска-рускі слоўнік».
Мэё быў шматгадовым сябрам Ангельска-беларускага таварыства і апекуном Беларускай бібліятэкі і музэя імя Францішка Скарыны ў Лёндане.
This article uses material from the Wikipedia Беларуская (тарашкевіца) article Пітэр Джон Мэё, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.