Пэкарыевыя (Tayassuidae) — сямейства клясы сысуноў, уключае 3 сучасныя роды і 4 сучасныя віды, абмежаваныя Новым Сьветам, дзе яны сустракаюцца ад паўднёвага захаду ЗША да цэнтральнай Аргенціны.
Пэкарыевыя ўпершыню з’явіліся ў закамянеласьцях позьняга эацэна або раньняга алігацэна ў Эўропе. Пазьней закамянеласьці былі знойдзены на ўсіх кантынэнтах, за выключэньнем Аўстраліі і Антарктыды. Пэкарыевыя вымерлі ў Старым Сьвеце недзе пасля міяцэну, магчыма, з-за канкурэнцыі ад сьвіньнеў. Пэкарыевыя каланізавалі Паўднёвую Амэрыку калі Панамскі перашыек аб’яднаў Паўночную і Паўднёвую Амэрыку каля 2,5 мільёнаў гадоў таму.
Пэкарыевыя | |
Tayassu pecari | |
Клясыфікацыя | |
---|---|
Царства | Жывёлы (Animalia) |
Тып | Хордавыя (Chordata) |
Падтып | Хрыбетныя (Vertebrata) |
Надкляса | Чатырохногія (Tetrapoda) |
Кляса | Сысуны (Mammalia) |
Падкляса | Зьвяры (Theria) |
Інфракляса | Пляцэнтарныя (Placentalia) |
Атрад | Парнакапытныя (Artiodactyla) |
Сямейства | Пэкарыевыя |
Бінамінальная намэнклятура | |
Tayassuidae Palmer, 1897 | |
Арэал | |
Пэкарыевыя — гэта свінападобныя жывёлы з даўжынёй цела ў межах 750–1112 мм, а хвост (які мае толькі ад шасьці да дзевяці пазванкоў) даўжынёй 15–102 мм, вага 20–40 кг. Пэкарыевыя пакрытыя грубай шараватай або карычняватай поўсьцю, і ва ўсіх відаў на грудзях, спіне або твары ёсць кантрасныя ўчасткі белага ці жаўтлявага колеру. Морда мае такі ж рухомы дыск і канцавыя ноздры, як сьвіньні. Страўнік мае дзве-тры камэры. Зубная формула: 2/3, 1/1, 3/3, 3/3 = 38 зубоў. Верхнія іклы перарастаюць у біўні.
Пэкарыевыя — статныя жывёлы; памер групы ёсць ад некалькіх жывёл да некалькіх сотняў у залежнасьці ад віду і ад таго, колькі на іх палююць. Яны здабываюць корм на працягу дня, сілкуючыся самымі рознымі расьліннымі і жывёльнымі матэрыяламі. Яны засяляюць розныя асяроддзя пражываньня — ад пустэльняў да густых трапічных лясоў.
Пэкарыевыя (Tayassuidae)
Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Пэкарыевыя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.