Менская Група Абсэ
Ме́нская гру́па АБСЭ (па-ангельску: The OSCE Minsk Group) — група сустаршыняў краінаў-сябраў АБСЭ, якая ўзначальвае працэс мірнага вырашэньня нагорна-карабаскага канфлікту паміж Армэніяй і Азэрбайджанам.
Мінуўшчына
Менская група АБСЭ была створаная ў сакавіку 1992 року Арганізацыяй па бясьпецы і супрацоўніцтве ў Эўропе. Тады ж вызначаны мандат будучай мірнай канфэрэнцыі. На канфэрэнцыі Армэнія і Азэрбайджан былі прызнаныя бакамі канфлікту, а азэрбайджанская і армянская супольнасьці Нагорнага Карабаху — зацікаўленымі бакамі. Беларусь прапанавала сваю сталіцу ў якасьці месца для канчатковых перамоваў, адсюль і ўзьнікла назва «Менская група». Аднак першая сустрэча ўдзельнікаў групы адбылася 1 чэрвеня 1992 року ў Рыме. Цягам гэтага лета ў Рыме адбылося яшчэ пяць сустрэчаў Менскай групы без істотнага выніку.
З 1997 року дзяржавамі-сустаршынямі групы зьяўляюцца Расея, ЗША і Францыя, ейнымі чальцамі — Беларусь як краіна, у якой у адпаведнасьці з рашэньнямі АБСЕ павінна прайсьці мірная канфэрэнцыя па ўрэгуляваньні нагорна-карабаскага канфлікту, а таксама Італія, Нямеччына, Турэччына, Фінляндыя і Швэцыя.
У цяперашні час сустаршынямі Менскай групы АБСЕ зьяўляюцца: Ігар Папоў (Расея), Джэймз Ўорлік (ЗША), Стэфан Вісканці (Францыя).
Вонкавыя спасылкі
- Менская група на бачыне АБСЭ
This article uses material from the Wikipedia Беларуская (тарашкевіца) article Менская група АБСЭ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.