Арганізацыя Па Бясьпецы І Супрацы Ў Эўропе

Арганізацыя бясьпекі і супрацы ў Эўропе (АБСЭ, да 1995 г.

НБСЭ (Нарада); па-ангельску: Organization for Security and Co-operation in Europe) — міжнародная арганізацыя, заснаваная 34-ма дзяржавамі Паўночнага паўшар’я ў выніку падпісаньня 21 лістапада 1990 году Парыскае хартыі для новай Эўропы. Акрамя сядзібаў у Вене (Аўстрыя) ды Варшаве (Польшча), мае 17 прадстаўніцтваў у краінах Эўропы, у тым ліку ў Беларусі, ды Сярэдняй Азіі. Службовымі мовамі арганізацыі зьяўляюцца ангельская, гішпанская, італьянская, нямецкая, расейская ды француская.

Арганізацыя бясьпекі і супрацы ў Эўропе
Арганізацыя Па Бясьпецы І Супрацы Ў Эўропе
Удзельнікі й супольнікі АБСЭ

     Дзяржавы-ўдзельніцы

     Дзяржавы-супольніцы

Абрэвіятура АБСЭ
Папярэднік Нарада аб бясьпецы й супрацы ў Эўропе
Дата ўтварэньня 18 сакавіка 1991 (33 гады таму)
Тып міжурадавая
Юрыдычны статус міжнародная арганізацыя
Штаб-кватэра Вена, Аўстрыя
Сяброўства 56 дзяржаваў Паўночнага паўшар’я
Афіцыйныя мовы ангельская, гішпанская, італьянская, нямецкая, расейская, француская
Старшыня Івіца Дачыч
Генэральны сакратар Ламберта Заньер
Дырэктар БДІПЧ Міхаэль Георг Лінк
Прадстаўнік па пытаньнях свабоды СМІ Дуня Міятавіч
Кіроўны орган Нарада
Бюджэт 156,4 млн эўра (2008)
Колькасьць супрацоўнікаў 3266 (2008)
Сайт www.osce.org
Колішняя назва Нарада аб бясьпецы й супрацы ў Эўропе

Установы

  • Выканаўчая рада (да 1995 г. Рада). Складаецца зь міністраў замежных справаў, зьбіраецца прынамсі аднойчы на год ды рыхтуе Нарады кіраўнікоў урадаў. Яе старшыня мае быць прадстаўніком дзяржавы, у якой праводзіцца пасяджэньне. Парадак дня яе працы рыхтуецца Сталай радаю.
  • Сталая рада (Вена; да 1995 г. Камітэт высокіх прадстаўнікоў, КВП). Выконвае пастановы Выканаўчае рады, вызначае парадак яе працы на падставе прапановаў дзяржаваў-удзельніцаў АБСЭ ды абмяркоўвае дачыненьні зь іншымі міжнароднымі арганізацыямі. На паседжаньні мае старшыняваць прадстаўнік дзяржавы, чый міністар ужо быў старшынёю Выканаўчае рады. Старшыня Сталае рады мае права склікаць пасяджэньне пасьля нарады зь дзяржавамі-ўдзельніцамі.
  • Нарада кіраўнікоў урадаў. Мае праводзіцца кожныя два гады цягам ня больш як трох месяцаў.
  • Парлямэнцкі сход. Складаецца з прадстаўнікоў парлямэнтаў ды ўхваляе штогадовыя заявы.

Службовыя

  • Сакратарыят (Вена; да 1993 году ў Празе) на чале з генэральным сакратаром:
  1. захоўвае й распаўсюджвае дакумэнты АБСЭ,
  2. забясьпечвае правядзеньне пасяджэньняў прадстаўнічых установаў АБСЭ,
  3. выконвае іх даручэньні.
  • Цэнтар засьцярогі ад супярэчнасьцяў (ЦЗС, Вена). Дапамагае ў ажыцьцяўленьні наступных захадаў дзеля ўмацаваньня даверу й бясьпекі:
  1. парадак нарады й супрацы наконт надзвычайнае вайсковае дзейнасьці,
  2. штогадовы абмен вайсковымі зьвесткамі,
  3. падтрыманьне міжурадавае сеткі зносінаў,
  4. супраца наконт небясьпечных вайсковых здарэньняў.
  • Бюро па дэмакратычных інстытутах і правох чалавека (БДІПЧ, Варшава; да 1992 г. Бюро па вольных выбарах):
  1. спрыяе сувязям ды абмену зьвесткамі аб выбарах між дзяржавамі дзеля выкананьня імі пунктаў 6—8 Капэнгагенскага дакумэнта НБСЭ (ахова народаўладзьдзя ад перавароту, правядзеньне вольных выбараў паводле ўсеагульнага ды роўнага выбарчага права, забесьпячэньне свабоды аб'яднаньняў, запрашэньне на выбары замежных назіральнікаў);
  2. зьбірае зьвесткі аб часе, парадку, выніках ды назіраньні за ўсенароднымі выбарамі;
  3. спрыяе сувязям між замежнымі назіральнікамі за выбарамі ды адпаведнымі ўправамі дзяржаваў, у якіх тыя выбары маюць адбыцца.

Удзельнікі

Пры заснаваньні ў арганізацыю ўваходзілі Аўстрыя, Баўгарыя, Брытанія, Бэльгія, Ватыкан, Вугоршчына, Гішпанія, Грэцыя, Данія, ЗША, Ірляндыя, Ісьляндыя, Італія, Канада, Кіпр, Ліхтэнштайн, Люксэмбург, Мальта, Манака, Нарвэгія, Нідэрлянды, Нямеччына, Партугалія, Польшча, Румынія, Сан-Марына, СССР, Турцыя, Фінляндыя, Францыя, Чэхаславаччына, Швайцарыя, Швэцыя ды Югаславія. Колькасьць удзельнікаў АБСЭ ўстойліва павялічвалася і ў чэрвені 2006 году дасягнула 56 дзяржаваў.

Урад Беларусі, як і ўрад Украіны, бярэ ўдзел у АБСЭ з 30 студзеня 1992 году. Урады ўсіх іншых сумежных зь Беларусьсю краінаў таксама зьяўляюцца яе ўдзельнікамі. Урады Расеі (як спадкаемца СССР) й Польшчы — ад заснаваньня арганізацыі, Латвіі й Летувы — з 10 верасьня 1991 году.

На канец году Колькасьць дзяржаваў-удзельніцаў
Заснавальнікі 34
1991 38
1992 51
1993 52
1995 53
1996 54
2000 55
2006 56

Дачыненьні з Беларусьсю

Офіс АБСЭ ў Менску
Папярэднік Кансультацыйна-назіральная група (1998—2002)
Дата ўтварэньня 1 студзеня 2003 (21 год таму)
Юрыдычны статус прадстаўніцтва
Месцазнаходжаньне праспэкт газэты «Праўда», д. 11
кіраўнік Бэнэдыкт Галер
Колькасьць супрацоўнікаў 13

Урад Беларусі ўступіў у АБСЭ 30 студзеня 1992 году. 26 лютага 1992 году адбылося падпісаньне Канчальнае пастановы Хэльсынскае НБСЭ 1975 году, а 8 красавіка 1993 году — Парыскае хартыі.

У выніку роспуску ў 1996 годзе прэзыдэнтам Аляксандрам Лукашэнкам абранага ў 1995 годзе Вярхоўнага Савету Беларусь пазбавілі ў 1997 годзе права на прадстаўніцтва ў Парлямэнцкім сходзе АБСЭ. Паводле бестэрміновае Дамоўленасьці аб Кансультацыйна-назіральнай групе (КНГ) ад 18 сьнежня 1997 году з урадам Беларусі ў 1998 годзе АБСЭ адчыніла ў Менску сваё прадстаўніцтва. КНГ налічвала 4 адмыслоўцаў ды ўзначальвалася да канца 2001 году нямецкім амбасадарам Гансам-Георгам Вікам. Паводле новай Дамоўленасьці з 2003 году КНГ ператварылі ў Офіс, які складаўся з 5 замежных і 8 мясцовых службоўцаў ды да 31 сакавіка 2011 году ўзначальваўся нямецкім дыпляматам Бэнэдыктам Галерам.

Кіраўнікі Офіса АБСЭ
Імя й прозьвішча Час займаньня пасады Месца народзінаў Дата народзінаў Папярэдняя пасада
1 Эбэргард Гайкен 10 лютага 2003 — 31 ліпеня 2005 Нямеччына 1935
2 Оке Пэтэрсан 29 жніўня 2005 — 28 траўня 2007 Швэцыя кіраўнік дэпартамэнту ў справах уцекачоў і міграцыйнай палітыкі МЗС Швэцыі
3 Ганс-Ёхан Шміт 4 лютага 2008 — 10 верасьня 2009 Нямеччына
4 Бэнэдыкт Галер 15 студзеня 2010 — 31 сакавіка 2011 г. Фэльбэрт, Мэтманскі раён, Дзюсэльдорфская акруга, зямля Паўночны Райн — Вэстфалія, Нямеччына 11 траўня 1954 амбасадар па адмысловых даручэньнях МЗС Нямеччыны

Крыніцы

Вонкавыя спасылкі

Арганізацыя Па Бясьпецы І Супрацы Ў Эўропе  Арганізацыя па бясьпецы і супрацы ў Эўропесховішча мультымэдыйных матэрыялаў

Tags:

Арганізацыя Па Бясьпецы І Супрацы Ў Эўропе УстановыАрганізацыя Па Бясьпецы І Супрацы Ў Эўропе УдзельнікіАрганізацыя Па Бясьпецы І Супрацы Ў Эўропе Дачыненьні з БеларусьсюАрганізацыя Па Бясьпецы І Супрацы Ў Эўропе КрыніцыАрганізацыя Па Бясьпецы І Супрацы Ў Эўропе Вонкавыя спасылкіАрганізацыя Па Бясьпецы І Супрацы Ў ЭўропеІтальянская моваАнгельская моваАўстрыяБеларусьВаршаваВенаГішпанская моваДзяржаваКраінаНямецкая моваПаўночнае паўшар’еПольшчаРасейская моваСярэдняя АзіяФранцуская моваЭўропа

🔥 Trending searches on Wiki Беларуская (тарашкевіца):

Белая РусьІван ШамякінСьпіс палітычных партыяў БеларусіВісігерд (імя)Вагінальны сэксБеларускі клясычны правапісМаксім БагдановічЛоскБеларусьШырмерПагоняМарцін Пачобут-АдляніцкіАбу Бэкір ШабановічЯўген БарычэўскіУкраінцыРасейскае ўварваньне ва Ўкраіну (з 2022)Юрка ВіцьбічЖанчына з жанчынайКойданаўВіталь РымашэўскіБеларускае добраахвотнае таварыства аховы помнікаў гісторыі і культурыАнтоніё ВівальдзіМалыя Ляды26 сакавіка800Крынкаўскі раёнЦарква Покрыва Багародзіцы (Койданаў)Іван Луцкевіч17 траўняВялікі Бор (Хвойніцкі раён)Дактрына ТруманаПрагноз надвор’яФутболМы выйдзем шчыльнымі радаміЭдуар Анры АўрыльПарнафільм у ФранцыіЗянон ПазьнякПаўночны Воўк (гурт)Вугорская рэвалюцыя 1956 годуВёскаРэжым ЛукашэнкіКлясычная мэханікаМастаБраты МарксАнтыхрыстМяйлуныE (літара)БэйнарППалута Бадунова88 да н. э.Арганізацыя Паўночнаатлянтычнай дамовыТбілісіПольшчаЛеанід СініцынЛех ВалэнсаБісэксуальная парнаграфіяКамунізмЯзэп ДраздовічАўтарытарызмISO 4217Алесь БяляцкіМіхал Францішак Сапега25 сакавікаПрыметнікПавал ДземідовічВугоршчынаМагнэтызмБанкаўскі рахунак🡆 More