Канфлікт у Драздах адбыўся ў ліпені 1998 году паміж урадам Беларусі і дыпляматычным корпусам іншых краінаў.
Па распараджэньні прэзыдэнта Беларусі Аляксандра Лукашэнкі амбасадары 22 краін павінны былі да 10 чэрвеня вызваліць свае рэзыдэнцыі, разьмешчаныя ў элітным комплексе Дразды ў Менску. 18 чэрвеня Лукашэнка абвясьціў комплекс Дразды ўласнасьцю ўраду Беларусі. Комплекс быў зачынены на рамонт. Праблема была ў тым, што ў гэтым паселішчы многія дыпляматы, асабліва з краінаў Заходняй Эўропы, мелі свае дамы. Лукашэнка падкрэсьліў, што знаходжаньне падразьдзяленьня марскіх пяхотнікаў ЗША за 50 мэтраў ад яго асабістай рэзыдэнцыі цалкам выключана. Хоць Лукашэнка спрабаваў весьці перамовы з заходнімі краінамі, такімі як Францыя і Нямеччына, прызначыўшы Ўладзімера Герасімовіча для перамоваў, ня змог вырашыць пытаньне ў тэрмін.
У адказ на дзеяньні беларускіх уладаў краіны Заходняй Эўропы склалі сьпіс са 130 беларускіх чыноўнікаў (у тым ліку і Лукашэнкі), якім забараняўся ўезд на іх тэрыторыю. Гэта падапхнула Злучаныя Штаты Амэрыкі і краіны, якія не ўваходзяць у ЭЗ, выпусьціць аналягічныя забароны (выключэньнем зьяўляецца штаб-кватэра Арганізацыі Аб’яднаных Нацыяў у Нью-Ёрку).
У наш час комплекс Дразды зьяўляецца рэзыдэнцыяй прэзыдэнта Рэспублікі Беларусь, а дыпляматы былі выселеныя на новыя месцы ў Менску.
This article uses material from the Wikipedia Беларуская (тарашкевіца) article Канфлікт у Драздах, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.