Альфонса Дэйвіс: канадзкі футбаліст
Альфонса Дэйвіс (па-ангельску: Alphonso Davies; нар.
2 лістапада 2000 году) — канадзкі футбаліст, левы абаронца нямецкага клюбу «Баварыя» і нацыянальнай зборнай Канады. Вызнаецца як адзін з найлепшых абаронцаў у сьвеце, дзякуючы хуткасьці, дрыблінгу і творчасьці. Паходзіць з Ганы.
| Альфонса Дэйвіс | ||
 | ||
| Пэрсанальная інфармацыя | ||
|---|---|---|
| Нарадзіўся | 2 лістапада 2000 (23 гады) | |
| Рост | 183 см | |
| Вага | 75 кг | |
| Пазыцыя | флянгавы паўабаронца, абаронца | |
| Клюбная інфармацыя | ||
| Клюб | Баварыя | |
| Нумар | 19 | |
| Клюбы | ||
| Гады | Клюб | Гульні (галы)¹ |
| 2016 2016—2019 2019— | Ванкувэр Ўайткэпс 2 Ванкувэр Ўайткэпс Баварыя | 11 (2) 66 (8) 126 (7) |
| Зборныя | ||
| 2017— | Канада | 44 (15) |
| ¹ Колькасьць гульняў і галоў за прафэсійны клюб лічыцца толькі | ||
Кар’ера
Дэйвіс стаў першым гульцом МЛС, які нарадзіўся ў 2000-х гадах. Выступы ў складзе «Ванкувэр Ўайткэпсу» прыцягнулі ўвагу эўрапейцаў, і ў студзені 2019 году футбаліст далучыўся да складу «Баварыі», паводле кантракту, разьлічанага да 2023 году. У хуткім часе канадзец зьявіўся ў сваім першым матчы Лігі чэмпіёнаў 6 лістапада 2019 году ў пераможнай сустрэчы супраць «Алімпіякосу» (2:0). Дапамагла гульцу адсутнасьць Нікляса Зюле і Люкаса Эрнандэса праз атрыманыя пашкоджаньні. У першы ж сэзон 2019—2020 гадоў быў абраны пачаткоўцам сэзону Бундэсьлігі. Разам з клюбам канадзец дамогся трэблу, то бок здабыў разам з дружынай перамогу ў чэмпіянаце і кубка Нямеччыны і стаў пераможцам Лігі чэмпіёнаў.
Дасягненьні
«Баварыя»:
- Чэмпіён Нямеччыны: 2019, 2020, 2021, 2022, 2023
- Уладальнік Кубка Нямеччыны: 2019, 2020
- Уладальнік Супэркубка Нямеччыны: 2020, 2021, 2022
- Пераможца Лігі чэмпіёнаў: 2020
- Уладальнік Супэркубка УЭФА: 2020
- Пераможца клюбнага чэмпіянату сьвету: 2020
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Альфонса Дэйвіс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.