Шклянцы

Уваходзіць у склад Бярозкаўскага сельсавету Докшыцкага раёну Віцебскай вобласьці.

Шклянцы лац. Šklancy
Каменны крыж і хата
Краіна:	Беларусь
Вобласьць:	Віцебская
Раён:	Докшыцкі
Сельсавет:	Бярозкаўскі
Насельніцтва:	30 чал. (2010)
Часавы пас:	UTC+3
Тэлефонны код:	+375 2157
Нумарны знак:	2
Геаграфічныя каардынаты:	54°43′2.2″ пн. ш. 27°51′42.7″ у. д. / 54.717278° пн. ш. 27.861861° у. д. / 54.717278; 27.861861 27°51′42.7″ у. д. / 54.717278° пн. ш. 27.861861° у. д. / 54.717278; 27.861861
Шклянцы на мапе Беларусі ± Шклянцы Шклянцы
Галерэя здымкаў у Вікісховішчы

Шклянцы — даўняе мястэчка гістарычнай Меншчыны. Сярод мясцовых славутасьцяў вылучалася драўляная царква Ўзьвіжаньня Сьвятога Крыжа ў стылі барока, помнік архітэктуры XVIII ст., спалены за савецкім часам.

 

Вялікае Княства Літоўскае

Упершыню Шклянцы ўпамінаюцца ў XVIII стагодзьдзі як мястэчка Менскага павету Менскага ваяводзтва. У гэты час тут збудавалі царкву.

Пад уладай Расейскай імпэрыі

У выніку другога падзелу Рэчы Паспалітай (1793 год) Шклянцы апынуліся ў складзе Расейскай імпэрыі, у Барысаўскім павеце Менскай губэрні. У 1836 годзе маёнтак перайшоў у валоданьне Стаброўскіх. На 1890 год у мястэчку Шклянцах было да 10 двароў, у аднайменнай вёсцы — 8.

За часамі Першай сусьветнай вайны ў лютым 1918 году Шклянцы занялі войскі Нямецкай імпэрыі.

Найноўшы час

25 сакавіка 1918 году згодна з Трэцяй Устаўной граматай Шклянцы абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР. Статус паселішча панізілі да вёскі. У 1930-я гады тутэйшую царкву спалілі.

• XIX стагодзьдзе: 1890 год — 89 муж.
• XX стагодзьдзе: 1999 год — 80 чал.
• XXI стагодзьдзе: 2010 год — 30 чал.

Славутасьці

• Кропельніца архаічнай формы
• Каменны крыж

Страчаная спадчына

• Царква Ўзьвіжаньня Сьвятога Крыжа (XVIII ст.)
• Сядзіба

• Краявіды Шклянцаў
•  
  Месца былой царквы
•  
  Кропельніца архаічнай формы
•  
  Каменны крыж
•  
  Вуліца

• Павал Барздыка (нар. 1929) — беларускі мастак

• Шклянцы , Radzima.org