Чорнае Дрэва
Чорнае дрэва — некаторыя віды дрэваў, галоўным чынам трапічныя, часьцей за ўсё віды роду дыёсьпірос сямейства эбэнавыя (з Шры-Ланкі, Індыі, Мадагаскару, Заходняй Афрыкі і Паўднёва-Ўсходняй Азіі), а таксама Acacia melanoxylon сям’і мімазовых (з Аўстраліі), Dalbergia melanoxylon сям’і мэтэлікавых (з Афрыкі) і некаторыя іншыя.
Драўніну гэтых дрэваў таксама называюць чорным дрэвам. Яна мае чорную афарбоўку, часта з рознымі адценьнямі, цяжкая (удзельная вага больш за 1), цьвёрдая, дрэнна колецца, добра паліруецца, яе выкарыстоўваюць для аздабленьня каштоўнай мэблі, вырабу музычных інструмэнтаў, розных вырабаў, каляровага паркету, інкрустацыяў.
Чорным дрэвам часта называюць таксама драўніну некаторых дрэваў умеранай зоны, што мае прыродны чорны колер або атрымлівае чорны колер пры апрацоўцы яе дубільнімі рэчывамі і солямі жалеза. Якасьцю да чорнага дрэва набліжаецца драўніна дубу, што зьмяшчае дубільныя рэчывы і пасьля працяглага знаходжаньня ў вадзе набывае чорны колёр ад злучэньня танінаў з солямі жалеза — так званы мораны дуб.
Глядзіце таксама
- Чырвонае дрэва
- Махагоныя
Вонкавыя спасылкі
Чорнае дрэва — сховішча мультымэдыйных матэрыялаў
- Украінская савецкая энцыкляпэдыя (укр.)
- [1] (рас.) Велика радянська енциклопедія. — М.: Радянська енциклопедія. 1969—1978.
This article uses material from the Wikipedia Беларуская (тарашкевіца) article Чорнае дрэва, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.