Фонд Імя Льва Сапегі
Фонд імя Льва Сапе́гі — беларуская асьветніцкае, грамадзкае, некамэрцыйнае аб’яднаньне, утворанае 26 чэрвеня 1992 року па ініцыятыве дэпутатаў мясцовых Саветаў зь Менску, Віцебску, Гомелю, Берасьця, Магілёва, Горадні ды іншых местаў Беларусі.
31 траўня 1999 року арганізацыя была перарэгістравана ў Міністэрстве юстыцыі. Арганізацыя аб’ядноўвае юрыстаў, эканамістаў, сацыёлягаў, выкладчыкаў, дэпутатаў мясцовых Саветаў, прадстаўнікоў культуры, прэсы й бізнэсу. Аб’яднаньне носіць імя канцлера Вялікага княства Літоўскага Льва Сапегі (1557—1633). Час яго жыцьця — гэта дзесяцігодзьдзі максымальнага росквіту Вялікага Княства Літоўскага — «залаты век» сярэднявечнай Беларусі, якому ў вялікай ступені спрыяў сваёй дзейнасьцю Сапега. Старшынём арганізацыі зьяўляецца Міраслаў Кобаса.
Місія й мэты арганізацыі
Спрыяньне працэсам пасьлядоўнага ўстанаўленьня й разьвіцьця дэмакратычных рэформаў у Рэспубліцы Беларусь у галіне мясцовага самакіраваньня, павышэньня прававой культуры й абароны правоў грамадзянаў, разьвіцьця рынкавай эканомікі.
Мэты
- Падрыхтоўка й правядзеньне рэформы мясцовага самакіраваньня.
- Станаўленьне й разьвіцьцё NGО на рэгіянальным узроўні.
- Абарона правоў і свабодаў чалавека ў лякальнай супольнасьці.
- Разьвіцьцё й падтрымка грамадзянскіх ініцыятываў.
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Фонд імя Льва Сапегі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.