Спэктакль, Нацыянальны Тэатар Імя Якуба Коласа Сон На Кургане
«Сон на кургане» — драматычны спэктакль, пастаўлены рэжысэрам Віталём Баркоўскім у Нацыянальным акадэмічным драматычным тэатры імя Якуба Коласа ў Віцебску.
| «Сон на кургане» | |
| Жанр | драма |
|---|---|
| Паводле | паэмы Янкі Купалы «Сон на кургане» |
| Рэжысэр | Віталь Баркоўскі |
| Акторы | Пятро Ламан, Віктар Дашкевіч, Яўген Берасьнеў, Васіль Белязека |
| Краіна | Беларусь |
| Мова | беларуская |
| Пастаноўкі | Нацыянальны акадэмічны драматычны тэатар імя Якуба Коласа |
Апісаньне
 | Гэтая роля для мяне вельмі дарагая. Рэжысэр Віталь Баркоўскі ставіў спектакль на Алеся Лабанка. Я ж увёўся ўжо пасьля яго заўчаснае сьмерці… Наш тэатар ехаў на гастролі ў Менск, і вельмі хацелі паказаць «Сон на кургане». Мне не давялося, зразумела, пагутарыць з Лабанком пра тое, што для яго было самым важным у гэтым вобразе. Адзначу, што ён добра ведаў практычна ўсю творчасьць Купалы, і гэта, безумоўна, не магло яму не дапамагчы. Вобраз паэта вельмі блізкі і мне самому. Яшчэ і таму, што я сам займаюся літаратурнай творчасьцю. У працы над вобразам Купалы я зыходзіў, ізноў-такі, з яго творчасьці. І падсумоўваючы зробленае паэтам, дадаткова пераконваўся, наколькі Купала сучасны — сёньня і заўсёды. Ягоная творчасьць навучае, найперш, таму, што прыйсьці да агульначалавечых каштоўнасьцяў можна толькі праз нацыянальнае. Любое мастацтва, як і жыцьцё, — гэта сыстэма каардынатаў, дзе па вэртыкалі — мінулае і будучае, а па гарызанталі — я і людзі вакол мяне. Ісьціна, як пры пабудове графіку, — на скрыжаваньні паказчыкаў па гэтых дзвюх восях… Янка Купала заўсёды выказваў нацыянальныя пачуцьці. І менавіта таму яго творчасьць стала агульным здабыткам. Ну а наш спэктакль… Я звычайна кажу так. Помнікі Янку Купалу ўсталяваныя ў Менску, Маскве і Нью-Ёрку. Чуў, што ў хуткім часе помнікі Песьняру зьявяцца ў Кіеве ды Варшаве. А ўжо колькі вуліцаў у яго гонар названа — не толькі, дарэчы, у нашых беларускіх гарадох, але й у шматлікіх расейскіх, украінскіх!.. Помнік жа Янку Купалу ў Віцебску — гэта спэктакль «Сон на кургане» нашага тэатру… |  |
— Выканаўца галоўнае ролі П. Ламан аб стварэньні і значэньні спэктаклю | ||
Акторы
- Алег Лабанок, Пятро Ламан — Пясьняр
- Віктар Дашкевіч — Чорны
- Яўген Берасьнеў — Сам
- Васіль Белязека — Музыка
- Людміла Пісарава — Стомленая
Крыніцы
Вонкавыя спасылкі
- «Сон…» у сыстэме каардынатаў на сайце газэты «Культура»
- Коласаўцы едуць у госьці да Купалы(недаступная спасылка) на сайце тэатру
This article uses material from the Wikipedia Беларуская (тарашкевіца) article Сон на кургане (спэктакль, Нацыянальны тэатар імя Якуба Коласа), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.