Мікашэвічы: горад у Беларусі

Уваходзяць у склад Лунінецкага раёну Берасьцейскай вобласьці. Насельніцтва на 2018 год — 12 665 чалавек. Знаходзяцца за 54 км ад Лунінцу, за 282 км ад Берасьця. Чыгуначная станцыя на лініі Лунінец — Каленкавічы. Рачны порт на Мікашэвіцкім канале.

Мікашэвічы лац. Mikaševičy
Герб Мікашэвічаў Сьцяг Мікашэвічаў
Краіна:	Беларусь
Вобласьць:	Берасьцейская
Раён:	Лунінецкі
Насельніцтва:	12 665 чал. (2018)
Часавы пас:	UTC+3
Тэлефонны код:	+375 1647
Паштовы індэкс:	225687
СААТА:	1247510000
Нумарны знак:	1
Геаграфічныя каардынаты:	52°13′0″ пн. ш. 27°28′0″ у. д. / 52.21667° пн. ш. 27.46667° у. д. / 52.21667; 27.46667 27°28′0″ у. д. / 52.21667° пн. ш. 27.46667° у. д. / 52.21667; 27.46667
Мікашэвічы на мапе Беларусі ± Мікашэвічы Мікашэвічы
Галерэя здымкаў у Вікісховішчы

Вялікае Княства Літоўскае

Першы пісьмовы ўпамін пра Макашэвічы як сяло маёнтку Леніна Слуцкага княства датуецца 1785 годам. У гэты час яны налічвалі 3 двары і знаходзіліся ў валоданьні князёў Радзівілаў.

Пад уладай Расейскай імпэрыі

У выніку другога падзелу Рэчы Паспалітай (1793 год) Мікашэвічы апынуліся ў складзе Расейскай імпэрыі, у Ленінскай воласьці Мазырскага павету Менскай губэрні.

У 1880-я гады з пракладкай Палескіх чыгунак у Мікашэвічах пачала працаваць чыгуначная станцыя, неўзабаве паселішча стала мястэчкам. У пачатку XX ст. зямянін Агаркаў збудаваў у Мікашэвічах фанэрны завод дзеля перапрацоўкі драўніны, які здаў у арэнду Чуднеру; апошні пачаў узводзіць будынкі з чырвонай цэглы (цяперашнія дзіцячы садок, школьныя майстэрні).

За часамі Першай сусьветнай вайны ў лютым 1918 году Мікашэвічы занялі войскі Нямецкай імпэрыі.

Найноўшы час

25 сакавіка 1918 году згодна з Трэцяй Устаўной граматай Мікашэвічы абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР.

Згодна з Рыскай мірнай дамовай 1921 году Мікашэвічы апынуліся ў складзе міжваеннай Польскай Рэспублікі, у Лунінецкім павеце Палескага ваяводзтва.

У 1939 годзе Мікашэвічы ўвайшлі ў БССР, дзе ў студзені 1940 году атрымалі афіцыйны статус працоўнага пасёлку і сталі цэнтрам сельсавету Ленінскага раёну Берасьцейскай вобласьці. У Другую сусьветную вайну зь ліпеня 1941 да 9 ліпеня 1944 году мястэчка знаходзілася пад акупацыяй Трэцяга Райху.

З 8 чэрвеня 1950 да 20 студзеня 1960 году Мікашэвічы былі цэнтрам раёну. 25 жніўня 2005 году яны атрымалі афіцыйны статус гораду раённага падпарадкаваньня.

• Мястэчка на старых здымках
•  
  Чыгуначная станцыя, 1925 г.
•  
  Касьцёл, 1930-я гг.
•  
  Інтэр’ер касьцёла, 1942 г.
•  
  Фабрыка, 1935 г.

Дэмаграфія

• XX стагодзьдзе: 1996 год — 12 777 чал.; 1998 год — 14,7 тыс. чал.
• XXI стагодзьдзе: 2006 год — 13,8 тыс. чал.; 2008 год — 13,9 тыс. чал.; 2009 год — 13 016 чал. (перапіс); 2015 год — 12 855 чал.; 2016 год — 12 759 чал.; 2017 год — 12 693 чал.; 2018 год — 12 665 чал.

Адукацыя

У Мікашэвічах працуюць 3 школы і гімназія, 4 дзіцячыя дашкольныя ўстановы, філія цэнтру дзіцячай творчасьці, навучальна-вытворчы камбінат.

Культура

У месьце дзейнічаюць 2 бібліятэкі, Палац культуры і музычная школа.

Спорт

Заняткі спортам адбываюцца на мескім стадыёне, дзейнічае аўтамабільная школа «ДТСААФ», аддзелы дзіцяча-юнацкай спартовай школы.

Футбольны клюб «Граніт» гуляе ў першай лізе чэмпіянату Беларусі.

Прадпрыемствы будаўнічых матэрыялаў — РУВП «Граніт» і «Спэцжалезабэтон», харчовай прамысловасьці.

Інфраструктура

Побач зь Мікашэвічамі знаходзіцца маляўнічы гранітны кар’ер. Спыніцца можна ў мескай гасьцініцы.

Славутасьці

• Гаспадарчая пабудова (пачатак XX ст.; цяпер у будынку дзейнічае рымска-каталіцкая капліца)
• Касьцёл Маці Божай Каралевы (1936; цяпер у перабудаваным выглядзе выкарыстоўваецца як царква Сьвятога Яна Прадцечы Беларускага экзархату Маскоўскага патрыярхату)
• Школа (1904)

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 10: Малайзія — Мугаджары. — 544 с. — ISBN 985-11-0169-9
• Памяць: Гіст.-дакум. хроніка Лунінецкага р-на. — Мн.: Беларусь, 1995. — 716 с.: іл. ISBN 985-01-0029-X.
• Słownik geograficzny Królestwa Polskiego i innych krajów słowiańskich. Tom VI: Malczyce — Netreba. — Warszawa, 1885.

• Мікашэвічы , Radzima.org
• Мікашэвічы  (рас.), Глёбус Беларусі
• Гранітны кар’ер у Мікашэвічах
• Сайт гораду Мікашэвічы