Швэцыя Мура

Цэнтар аднайменнай камуны. Вядомы як месца арганізацыі і фінішу лыжнага маратону Васалёпэт і як радзіма швэдзкага мастака Андэрса Цорна. Насельніцтва 12 602 чалавекі (на 31 сьнежня 2015).

Мура
швэдз. Mora
Царква Муры. На пярэднім пляне: статуя Сьвятога Міхала з драконам.
Краіна:	Швэцыя
Лэн:	Далярна
Плошча:	12,36 км²
Насельніцтва (2015)
колькасьць:	12 602 чал.
шчыльнасьць:	1019,58 чал./км²
Часавы пас:	UTC+1
летні час:	UTC+2
Тэлефонны код:	0250
Геаграфічныя каардынаты:	61°0′34.610″ пн. ш. 14°33′48.758″ у. д. / 61.00961389° пн. ш. 14.56354389° у. д. / 61.00961389; 14.56354389 14°33′48.758″ у. д. / 61.00961389° пн. ш. 14.56354389° у. д. / 61.00961389; 14.56354389
Мура на мапе Швэцыі Мура
Галерэя здымкаў у Вікісховішчы
https://mora.se/

Назва гораду паходзіць ад старажытнашвэдзкага mor — «шчыльны лес на балоцістай зямлі».

 

Упершыню Мура згадваецца ў 1325 г., але магчыма, паселішча існавала ўжо ў XIII стагодзьдзі. У 1520 швэдзкі шляхціц Густаў Ваза ўцякаў праз Далярну ад перасьледу датчанаў. У Муры, ля мясцовай царквы ён заклікаў месьцічаў да паўстаньня супраць дацкага панаваньня, але яны яго спачатку не паслухаліся, і іх будучы кароль пабёг далей, у бок Нарвэгіі. Падумаўшы над словамі Вазы, месьцічы ўсё ж вырашылі падтрымаць яго ідэю і паслалі двух лыжнікаў дагнаць яго: гэта адбылося ў мястэчку Сэлен. Ваза вярнуўся ў Муру і ўзначаліў антыдацкае паўстаньне, якое скончылася атрыманьнем Швэцыяй незалежнасьці і каранацыяй Густава Вазы на швэдзкі сталец.

XVII стагодзьдзе стала цёмнай старонкай гісторыі гораду, бо прайшло пад знакам шматлікіх вядзьмарскіх працэсаў, што ўнесьлі жыцьцё дзясяткам чалавек. У наступным стагодзьдзі, у выніку шэрагу неўраджайных гадоў, многія жыхары Муры шукалі заработку ў Стакгольме, але потым усё ж вярталіся ў родныя мясьціны. У канцы XVIII стагодзьдзя ў Муры пачалі вырабляць насьценныя гадзіньнікі, а з 1860-х гг. — швейныя машынкі. У канцы XIX стагодзьдзя чыгунка злучыла Муру зь іншымі часткамі Швэцыі.

 

• Музэй Андэрса Цорна і хата, дзе ён нарадзіўся.
• Дом лыжнага маратону Васалёпэт і фінішны пункт гэтага забегу.
• Статуя Густава Вазы працы Андэрса Цорна (на месцы фінішу Васалёпэту).
• Царква Муры
• Томтэлянд, або Краіна Томтэна — тэматычны парк, прысьвечаны гэтаму швэдзкаму мітычнаму пэрсанажу, якому прыкладна адпавядае беларускі Зюзя.
• Вытворчасьць далярнскіх конікаў у Нюснэсе (у навакольлі Муры).

• Андэрс Цорн — швэдзкі мастак
• Нільс Карлсан (вядомы таксама як Мура-Нісэ, т. б. Нільс з Муры) — швэдзкі лыжнік, шматразовы пераможца маратону Васалёпэт
• Юакім Канс — удзельнік гэві-мэтал гурту Hammerfall

  Мура (Швэцыя) — сховішча мультымэдыйных матэрыялаў

• Афіцыйны сайт