Ліцэнзіі Creative Commons: ліцэнзіі для творчых працаў

Першыя вэрсіі ліцэнзіяў зьявіліся 16 сьнежня 2002 году. Па стане на ліпень 2010 году ліцэнзіі Creative Commons даступныя афіцыйна ў 53 краінах (адбываецца як пераклад ліцэнзіі на іншыя мовы, гэтак і імплемэнтацыя ліцэнзіяў у прававую сыстэму дзяржаваў). Таксама вядзецца праца над адаптацыяй для 9 наступных краін.

Усе ліцэнзіі Creative Commons перш за ўсё маюць «базавыя правы» (анг. baseline rights), у склад якіх уваходзяць права на свабоднае выкарыстаньне, капіяваньне, распаўсюджаньне ў любой форме. Кожная з шасьці ліцэнзіяў мае ўласныя патрабаваньні, якія выбіраюцца з чатырох даступных:

Attribution by Пазначэньне аўтарства	Share-Alike sa На тых жа ўмовах	Non-Commercial nc Некамэрцыйнае выкарыстаньне	No Derivative Works nd Без вытворных прац
Дазваляецца капіяваньне, распаўсюджаньне, публічнае прадстаўленьне працы і вытворных ад яе пры ўмове пазначэньня аўтара.	Дазваляецца распаўсюджаньне вытворных ад арыгінальнай прац пры ўмове выкарыстаньня ліцэнзіі, ідэнтычнай ліцэнзіі арыгінальнай працы.	Дазваляецца капіяваньне, распаўсюджаньне, публічнае прадстаўленьне працы і вытворных ад яе толькі ў некамэрцыйных мэтах.	Дазваляецца капіяваньне, распаўсюджаньне, публічнае прадстаўленьне працы толькі ў першатворным выглядзе.

Камбінацыі

З пазначаных вышэй чатырох магчымых абмежаваньняў выкарыстаньня ўсяго магчымыя 16 камбінацыяў, зь якіх 11 камбінацыяў ёсьць слушнымі ліцэнзіямі Creative Commons, а астатнія 5 — не. З тых пяці камбінацыяў чатыры ўлучаюць патрабаваньні nd і sa, якія пярэчаць адно воднаму. Пятае не ўлучае ніводнага патрабаваньня. З адзінаццаці застаўшыхся 5 ня маюць у складзе патрабаваньняў by, але ў 98% выпадкаў аўтары жадаюць, каб пры выкарыстаньні згадвалася іх аўтарства. Таму звычайна выкарыстоўваюцца шэсьць ніжэй пададзеных ліцэнзіяў:

• Attribution (cc by)
• Attribution Share-Alike (cc by-sa)
• Attribution No Derivatives (cc by-nd)
• Attribution Non-Commercial (cc by-nc)
• Attribution Non-Commercial Share-Alike (cc by-nc-sa)
• Attribution Non-Commercial No Derivatives (cc by-nc-nd)

Зь іх першыя дзьве ліцэнзіі лічацца вольнымі, таму што іх умовы не супярэчаць вызначэньню «вольнага твору культуры». У той жа час, ніводная зь іх не зьяўляецца капілэфтнай.

Адмаўленьне ад асобных правоў

Як закладзеныя ў ліцэнзіі пэўныя патрабаваньні, гэтак і закладзеная магчымасьць іх адкліканьня (анг. waiving). Уладальнік аўтарскіх правоў можа адмовіцца ад некаторых правоў, напрыклад, выключнага права на камэрцыйнае выкарыстаньне.

• Creative Commons
• Аўтарскае права
• Вольныя матэрыялы
• Ліцэнзія BSD

  Ліцэнзіі Creative Commons — сховішча мультымэдыйных матэрыялаў

• Афіцыйны сайт
• Поўны сьпіс ліцэнзіяў